Sugar Rate Rise Despite Government Measures: साखरेची दरवाढ रोखण्यासाठी केंद्र सरकार उपाययोजना करत आहे. तरीही मंगळवारी किरकोळ बाजारात साखरेच्या दरातील वाढ कायम राहिली. साखरेचा दर किलोमागे सुमारे १ रुपयाने वाढून जवळपास ६४ रुपयांवर पोहोचला. गेल्या सोमवारी सरासरी दर प्रति किलो ६३.०५ रुपये होता..ग्राहक व्यवहार विभागाकडून (किंमत देखरेख विभाग) मिळालेल्या माहितीनुसार, २५ ऑगस्ट रोजी देशांतर्गत बाजारात सरासरी दर प्रति किलो ६३.९७ रुपये होता. एका महिन्यापूर्वी साखरेचा दर प्रति किलो ४८.८१ रुपयांवर होता. याचाच अर्थ त्यात ३१ टक्क्यांची मोठी वाढ झाली. गेल्या वर्षीच्या तुलनेत सरासरी दर ३८ टक्क्यांनी अधिक राहिला आहे. त्यावेळी साखरेचा दर प्रति किलो ४६.३१ रुपये होता..गेल्या सोमवारी साखरेचा कमाल विक्री दर प्रति किलो ७६ रुपयांपर्यंत वाढला होता. तर सर्वाधिक व्यवहार झालेला दर (मोडल रेट) दर प्रति किलो ६५ रुपये होता, असे आकडेवारीवरून दिसून आले. सरकार आणि साखर उद्योगाच्या म्हणण्यानुसार, गेल्या काही दिवसांत साखरेच्या एक्स-मिल दरात घसरण झाली. पण, याचा परिणाम बाजारातील किरकोळ दरावर अद्याप दिसून आलेला नाही..Maharashtra Sugar Prices: साखर दरवाढीला साठेबाजी जबाबदार.गेल्या काही दिवसांत साखरेच्या किरकोळ दरात अचानक मोठी वाढ दिसून आली. याचा गरीब आणि मध्यमवर्गीय लोकांना भुर्दंड बसला. साखर दराबाबत मिळालेल्या आकडेवारीनुसार, गेल्या सोमवारी साखरेचा घाऊक दर प्रति किलो ५९.२३ रुपयांवर पोहोचला होता. एका महिन्यापूर्वी हाच दर प्रति किलो ४५.३५ रुपये तर एका वर्षापूर्वी ४३.०१ रुपयांवर होता. यावरुन घाऊक दरात मोठी वाढ झाल्याचे दिसून येते. .Sugar Prices: साखरेचे दर कमी होतील का? 'इस्मा'नं दिली महत्त्वाची माहिती.साखरेच्या एक्स मिल दरात घसरणयाआधी गेल्या सोमवारी अन्न विभागाचे सचिव संजीव चोप्रा यांनी दिलेल्या माहितीनुसार, साखर आयातीचा निर्णय आणि साखरेची साठेबाजी रोखण्यासाठी कठोर पावले उचलणे यांसारख्या सरकारच्या उपाययोजनांमुळे साखरेचा एक्स मिल दर १८ टक्क्यांनी घसरून प्रति किलो ५५ रुपयांपर्यंत खाली आला आहे..गेल्या आठवडाभरात साखरेचा एक्स मिल दर प्रति किलो ६७ रुपयांच्या उच्चांकी पातळीवर पोहोचला होता. ही कृत्रिमरित्या दरवाढ असल्याचा दावा चोप्रा यांनी केला होता. ''साखरेचा एक्स मिल दर आता खाली येऊ लागला आहे. हा दर प्रति किलो ५५ रुपयांपर्यंत घसरला असून, पुढील काही दिवसांत त्यात आणखी घसरण होईल,” असे चोप्रा यांनी सांगितले..साखर दरवाढ रोखण्यासाठी केंद्र सरकारने नुकतीच ३१ ऑक्टोबरपर्यंत १० लाख टन कच्च्या साखरेच्या आयातीला परवानगी दिली. तसेच, सरकारने डीलर्ससह शीतपेय उत्पादकांसारख्या मोठ्या प्रमाणात साखरेचा वापर करणाऱ्या घटकांवर साठा मर्यादा लागू केली. याआधी साखरेच्या निर्यातीवरही बंदी घालण्यात आली होती..देशात २७९ लाख टन साखर उत्पादनाचा अंदाजइंडियन शुगर अँड बायो-एनर्जी मॅन्युफॅक्चरर्स असोसिएशनच्या (इस्मा) माहितीनुसार, २०२५-२६ या विपणन वर्षात (ऑक्टोबर-सप्टेंबर) देशात सुमारे २७९ लाख टन साखर उत्पादनाचा अंदाज आहे. यात इथेनॉलसाठी वळविण्यात आलेल्या साखरेचा समावेश नाही. तर सप्टेंबरच्या अखेरीस ३५ लाख टन शिल्लक साठा राहण्याची शक्यता आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
