Sugar Season End Maharashtra : राज्यात साखर कारखान्यांचा हंगाम झपाट्याने समाप्तीकडे चालला आहे. कोल्हापूर व सोलापूर विभागांत गतीने कारखाने बंद होत आहेत. दोन्ही भागांत हंगाम सुरू केलेल्या कारखान्यांपैकी निम्म्या कारखान्यांनी ऊस गाळप थांबवले आहे..गेल्या सप्ताहापासून दररोज साखर कारखाने बंद होत आहेत. २३ फेब्रुवारीअखेर राज्यातील ७० साखर कारखान्यांनी हंगाम समाप्ती केली आहे. राज्यातील एक तृतीयांश हंगामाची सांगता केवळ एका आठवड्यात झाली..Sugarcane Crushing Season: पाच जिल्ह्यांतील दोन कारखान्यांचा हंगाम आटोपला, २३ सुरू .अजूनही १३७ कारखाने सुरू आहेत. त्यांचा हंगामही अंतिम टप्प्यात आहे. या कालावधीत राज्यात ९९६.८५ लाख टन उसाचे गाळप होऊन ९३.७७ लाख टन साखर उत्पादन झाली. राज्याचा सरासरी साखर उतारा ९.४१ टक्के नोंदविला आहे. साखर उत्पादनात कोल्हापूर विभाग आघाडीवर असून, त्यानंतर पुणे व सोलापूर विभागांचा क्रमांक लागतो. राज्यातील सहकारी साखर कारखान्यांनी ४९.९७ लाख टन, तर खासगी साखर कारखान्यांनी ४३.८० लाख टन साखर उत्पादन केले आहे..कोल्हापूर विभाग आघाडीवरराज्यातील साखर उत्पादनात कोल्हापूर विभागाने आघाडी घेतली आहे. या विभागात सहकारी व खासगी असे एकूण ३९ कारखाने सुरू आहेत, तर २१ कारखाने बंद आहेत. कोल्हापूर विभागात २६५.४२ लाख टन उसाचे गाळप होऊन २२.६५ लाख टन साखर उत्पादन झाले आहे. या विभागाचा निव्वळ साखर उतारा १०.९७ टक्के आहे. पुणे विभागात एकूण ३२ कारखाने सुरू आहेत, तर ११ कारखाने बंद आहेत. २१५.४५ लाख टन उसाचे गाळप होऊन २०.९८ लाख टन साखर उत्पादन झाले आहे..पुणे विभागाचा निव्वळ साखर उतारा ९.७४ टक्के आहे. सोलापूर विभागात ४९ कारखाने सुरू, तर २१ बंद झाले. २१३.७५ लाख टन उसाचे गाळप झाले आहे. यातून १८.२८ लाख टन साखर उत्पादन झाले विभागाचा निव्वळ उतारा ८.५५ टक्के आहे. अहिल्यानगर विभागात २८ कारखाने पैकी, १३ बंद झाले. १२२.७५ लाख टन उसाचे गाळप होऊन ११.०६ लाख टन साखर उत्पादन झाले.छत्रपती संभाजीनगर विभागात २५ पैकी २ कारखाने २ बंद झाले आहेत. ८.३९ लाख टन साखर उत्पादन झाले. नांदेड विभागात ३० पैकी १ कारखाना बंद झाला आहे..छत्रपती संभाजीनगर, नांदेड विभागांत गती संथराज्यात साखर कारखाने बंद होण्याची गती कोल्हापूर व सोलापूर विभागांत सर्वाधिक आहे. यामुळे येत्या आठवडाभराच्या कालावधीत या दोन्ही विभागांतील हंगाम पूर्णपणे संपुष्टात येण्याची शक्यता आहे. छत्रपती संभाजीनगर व नांदेड विभागांमध्ये कारखाने बंद होण्याची गती मंद आहे. यामुळे हंगाम मार्चच्या पहिल्या आठवड्यापर्यंत चालेल अशी शक्यता आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
