Solapur News: ऊसदराच्या मागणीसाठी आक्रमक झालेल्या स्वाभिमानी शेतकरी संघटनेने उगारलेल्या आंदोलनाच्या हत्यारानंतर साखर कारखानदारांनी ऊसदर जाहीर करण्यास सुरुवात केली आहे. साखर कारखान्यांच्या प्रतिसादानुसार आंदोलनाची तीव्रता कमी-जास्त करण्याची भूमिका संघटनेने घेतली आहे..ऊसदराबाबत स्वाभिमानी शेतकरी संघटना आक्रमक झाली असून बीबी दारफळ (ता. उत्तर सोलापूर) येथील लोकमंगल साखर कारखाना प्रशासनाने बुधवारी (ता.१७) प्रतिटन २,८०० रुपये ऊसदर जाहीर केल्यानंतर तेथील आंदोलन संघटनेने तूर्त थांबवले आहे. मात्र, भंडारकवठे (ता. दक्षिण सोलापूर) येथील लोकमंगल कारखान्याने जाहीर केलेला प्रतिटन २,७०० रुपयांचा दर अमान्य करीत शेतकऱ्यांनी गव्हाणीत ठिय्या मांडून ऊस गाळप बंद पाडले..Sugarcane Price: उसाच्या दरासाठी पेटला शेतकऱ्यांचा संघर्ष.भंडारकवठे येथील लोकमंगल कारखान्याने ऊसदर जाहीर करण्यासाठी १६ डिसेंबरपर्यंत मुदत मागितली होती. त्यानंतर संघटनेने तेथील आंदोलन स्थगित करून बीबी दारफळ येथील कारखान्यासमोर गेल्या चार दिवसांपासून आंदोलन सुरू केले होते. या आंदोलनामुळे लोकमंगल समूहाच्या दोन्ही कारखान्यांवर ऊसदर जाहीर करण्यासाठी दबाव वाढल्याचे चित्र आहे..Sugarcane Price: दीड महिन्यानंतरही १२ साखर कारखान्यांकडून ऊसदर नाहीच.बीबी दारफळ कारखान्याने प्रतिटन २,८०० रुपये दर जाहीर केल्यानंतर शेतकऱ्यांचे नुकसान टाळण्यासाठी तेथील आंदोलन तात्पुरते थांबवण्यात आले होते. आंदोलनामुळे कारखान्याच्या यार्डात आलेला ऊस वाळण्याची शक्यता निर्माण झाली होती. मात्र, हा दर संघटनेला मान्य नसल्याचे स्पष्ट करण्यात आले आहे. दरम्यान, भंडारकवठे येथील कारखान्याने जाहीर केलेला प्रतिटन २,७०० रुपयांचा दर संघटनेने अमान्य करत आंदोलन चालू ठेवले..लोकमंगलच्या दोन्ही कारखान्यांनी जाहीर केलेले ऊसदर आम्हाला मान्य नाहीत. आम्ही प्रतिटन ३,००० रुपये दरावर ठाम आहोत. शेतकऱ्यांचे नुकसान टाळण्यासाठी बिबी दारफळचे आंदोलन तात्पुरते थांबवले आहे. मात्र, मागणी मान्य झाल्याशिवाय भंडारकवठे येथील आंदोलन थांबवले जाणार नाही,”- विजय रणदिवे, जिल्हाध्यक्ष, स्वाभिमानी शेतकरी संघटना, सोलापूर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
