Sugar Export Policy: साखर निर्यात बंदी म्हणजे ऊसकरी शेतकऱ्यांची लूट आहे, असा आरोप शेतीमित्र अशोकराव थोरात यांनी पत्रकाद्वारे केला आहे. भाजपच्या राज्य सरकारने केंद्रातील आपल्याच भाजप मायबाप सरकारला विनंती करून निर्यात बंदी उठवावी, अशी मागणीही पत्रकात करण्यात आली आहे..भारतातील साखरेचा मागील वर्षाचा हंगाम नुकताच संपला आणि कालच केंद्र सरकारने पुढील पाच महिन्यांसाठी साखर निर्यात बंदी जाहीर केली. गेल्या पाच वर्षांत साखरेची एमएसपी (किमान आधारभूत किंमत) गेली सात वर्षे वाढवलेली नाही. ती फक्त ३२ रुपये किलोने साखर कारखान्यांना मिळते, तर साखर उत्पादन खर्च वाढलेला आहे..Sugar Export Ban: गोड साखरेचा कडू निर्णय.उसाचा उत्पादन खर्च त्याच्या तिप्पट वाढला आहे. अशा परिस्थितीत देशांतर्गत साखर पडून राहणार व साखर विकली जात नाही म्हणून साखर कारखाने केंद्र व राज्य सरकारकडे बोट दाखवून केंद्र सरकारने जाहीर केलेली दहा टक्के उताऱ्याची ३६० रुपये प्रतिक्विंटल एफआरपी देणार नाहीत किंवा वेळेवर देणार नाहीत. म्हणजेच देशातील व विशेषता महाराष्ट्रातील ऊसकरी शेतकरी आर्थिकदृष्ट्या दिवाळखोरीत जाणार. .Sugar Export Ban: साखरेमागे सरकारी ससेमिरा.साखर निर्यात बंदी, साखरेची एसएमपी वाढवून न देता उसाची एफ. आर. पी. वाढवून जाहीर करणे म्हणजे शेतकऱ्यांची लूट आहे. उसाची एफआरपी थकवल्यानंतर कोणत्याही सहकारी अथवा खासगी कारखान्यांवर कारवाई केली नाही किंवा भविष्यातही करणार नाही, कारण आता महाराष्ट्रातील ७० टक्के कारखाने भाजपचे मंत्री, आमदार, खासदार नेत्यांचेच आहेत..लागणीपासून शेतकऱ्याची लूटऊस लागणीपासून मोठा खर्च करूनही तोडणीच्या वेळी मुकादम व टोळीला वरून पैसे द्यावे लागतात. स्वतःच्या ट्रॅक्टरने, जेसीबीने वाहने बाहेर काढावी लागतात. इतके करूनही साखर कारखान्यांचा वजन काटा शेतकऱ्यांच्या पायात किती खोलवर घुसेल हे सांगता येत नाही, तसेच उसाची रिकव्हरी किती लागली व लागेल हे फक्त चीफ केमिस्ट, कार्यकारी संचालकांनाच माहित असते. त्यामुळे कारखाना स्तरावर अधिक लूट होत असते..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
