Pune News: उसाचा गळीत हंगाम ऐन तोंडावर आलेला असताना राज्याचे साखर आयुक्त सिद्धाराम सालीमठ यांची बदली करण्यात आली आहे. पदभार घेतल्यापासूनच त्यांच्या बदलीच्या चर्चा सतत रंगत होत्या. अखेर मंगळवारी (ता. १६) त्यांची बदली कोकण विभागाचे अतिरिक्त महसूल आयुक्त पदावर करण्याचा आदेश शासनाने काढला. .साखर आयुक्तपदाच्या संगीत खुर्चीचा खेळ सुरू आहे. आश्चर्याची बाब म्हणजे शेखर गायकवाड यांच्यानंतर तीन वर्षे सेवाकाल पूर्ण करणारा एकही साखर आयुक्त शासनाला नेमता आलेला नाही. डॉ. चंद्रकांत पुलकुंडवार, डॉ. कुणाल खेमनार या दोन्ही साखर आयुक्तांच्या बदल्या सेवाकाल पूर्ण होण्यापूर्वीच करण्यात आल्या आहेत..Agriculture Department : कृषी आयुक्त गेडाम यांची तडकाफडकी बदली.डॉ. खेमनार यांच्या बदलीनंतर १८ फेब्रुवारी २०२५ रोजी श्री. सालीमठ यांची आयुक्तपदी नियुक्ती झाली होती. परंतु तेदेखील लगेच कामावर हजर झाले नाहीत. साखर आयुक्तालयाऐवजी त्यांना मुंबईत बदली हवी असल्यामुळे ते हजर होत नसल्याची चर्चा त्या वेळी साखर उद्योगात चालू होती. सूत्रांच्या म्हणण्यानुसार, मुंबईत कुटुंब असल्यामुळे श्री. सालीमठ यांना पुण्यात नियुक्ती नको होती. त्यांचे प्रयत्न मुंबईतील पदासाठी चालू होते..कोकणचे अतिरिक्त महसूल आयुक्त विकास मारुती पानसरे यांची महाराष्ट्र लघुउद्योग विकास महामंडळाच्या व्यवस्थापकीय संचालकपदी बदली करण्यात आली. त्यामुळे रिक्त झालेल्या पदावर श्री. सालीमठ यांची नियुक्ती करण्यात आली आहे. दरम्यान, साखर आयुक्त पदावर नियमित नियुक्ती न करता त्याचा अतिरिक्त कार्यभार सहकार आयुक्त दीपक तावरे यांच्याकडे सोपवण्यात आला आहे..Dr. Kunal Khemnar: साखर आयुक्त डॉ. खेमनार यांची अचानक बदली.राहुरीच्या महात्मा फुले कृषी विद्यापीठाची पदव्युत्तर पदवी संपादन केलेले श्री. सालीमठ भारतीय प्रशासकीय सेवेच्या (आयएएस) २०११ च्या तुकडीतील अधिकारी आहेत. त्यांनी साखर आयुक्तालयात काम करताना पारदर्शकता, वेगवान सेवा तसेच संगणकीय प्रणालीच्या वापरावर भर दिला..साखर आयुक्तपदाचा अतिरिक्त पदभार घेण्याचे आदेश राज्य शासनाकडून मला प्राप्त झाले आहेत. श्री.सालीमठ यांनी त्यांच्या नियोजनानुसार सूत्रे स्वीकारण्यासाठी बोलवल्यानंतर मी आयुक्तालयात जाईन. त्यानंतर शासनाच्या पुढील सूचना येईपर्यंत साखर आयुक्तपदाची जबाबदारी सांभाळणार आहे.दीपक तावरे, सहकार आयुक्त.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
