Sugar Industry: पेट्रोलमध्ये इथेनॉल मिश्रणाच्या मुद्द्यावरून टिकेचे धनी झालेल्या केंद्रीय रस्ते वाहतूक मंत्री नितीन गडकरी यांच्या बचावासाठी महाराष्ट्र राज्य सहकारी साखर कारखाना संघ धावून आला आहे. गडकरींच्या धोरणावर आगपाखड न करता शेतकऱ्यांच्या हितासाठी इथेनॉल मिश्रणाचे स्वागतच केले पाहिजे, असे साखर संघाने म्हटले आहे..साखर संघाचे अध्यक्ष पी.आर.पाटील व संचालक जयप्रकाश दांडेगावकर यांनी संघाची भूमिका सोमवारी (ता.३) जाहीर केली. ‘‘इथेनॉल मिश्रणावरून उलटसुलट चर्चा घडवून आणली जात आहे. त्यातून गडकरी यांच्यावर आरोप करीत मूळ विषय भरकटवला जात आहे..Sugar Stock Limit: साखर विक्रेत्यांवर साठा मर्यादा.इथेनॉल मिश्रित पेट्रोल हा एका रात्रीत तयार झालेला विषय नाही. दिल्लीमधूनच इथेनॉलविरोधात मोठा कांगावा होतो आहे. मुळात, २००३ मध्ये तत्कालीन पेट्रोलियम आणि नैसर्गिक वायू मंत्री राम नाईक यांनी तत्कालीन पंतप्रधान अटलबिहारी वाजपेयी यांच्या नेतृत्वाखाली इथेनॉल मिश्रण धोरणाला सुरुवात केली. .ई-२० इथेनॉल मिश्रण कार्यक्रमाचे उद्दिष्ट २०३० ऐवजी जलद गतीने २०२३ मध्येच पूर्ण झाले. यातून काही प्रमाणात वाहनधारकांना समस्या जाणवत आहेत. मात्र, या समस्येची व्याप्ती महाभयंकर नाही. योग्य चर्चा घडवून या समस्येचे निराकरण करता येईल,’’ असे संघाने म्हटले आहे..Nitin Gadkari: ‘इथेनॉल’वरील पोस्ट्सची नितीन गडकरींना झळ; समाजमाध्यमी प्रचाराविरोधात उच्च न्यायालयात धाव.केंद्र शासनाने उसाचा रस व बी हेवी मळीपासून इथेनॉल निर्मितीस परवानगी दिली. त्यामुळेच साखरेचे जादा साठे नियंत्रणात आले. आता इथेनॉल व्यवसायात जवळपास ७५ हजार कोटी रुपयांची गुंतवणूक झाली आहे. त्यातून ग्रामीण औद्योगिकीकरणाला हातभार लागला. .गुंतवणुकीमुळे साखर उद्योगात दोन हजार कोटी लिटर इथेनॉलची स्थापित क्षमता निर्माण झाली आहे. यातून १२ ते १३ लाख लोकांना रोजगार मिळतो आहे. इथेनॉल मिश्रण धोरणामुळेच शेतकऱ्यांना वेळेत एफआरपी देता येत आहे. या धोरणामुळेच शेतकरी अन्नदाता ते ऊर्जादाता झाला आहे, अशा शब्दात साखर संघाने सरकारच्या धोरणाचे समर्थन केले..केंद्र सरकारच्या इथेनॉल मिश्रण धोरणाला साखर संघाचा सक्रिय पाठिंबा आहे. देशहितासाठी इथेनॉल मिश्रण कार्यक्रम विस्कळीत होऊ नये, अशी आमची स्पष्ट भूमिका आहे.पी. आर. पाटील, अध्यक्ष, महाराष्ट्र राज्य सहकारी साखर कारखाना संघ.इथेनॉलच्या मुद्द्यावर केंद्रीय मंत्री नितीन गडकरी यांच्यावर आगपाखड करणे समर्थनीय नाही. साखर उद्योगाची त्यांना जाण आहे. साखर उद्योगाच्या विकासात त्यांचा सहभाग मोलाचा आहे.जयप्रकाश दांडेगावकर, संचालक, महाराष्ट्र राज्य सहकारी साखर कारखाना संघ.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
