Sindhudurg News : सिंधुदुर्ग जिल्ह्याच्या बहुतांशी भागात बुधवारी (ता. १५) सायंकाळी विजांच्या कडकडाटासह मुसळधार पाऊस झाला. वैभववाडी आणि सावंतवाडी तालुक्याला पावसाने अक्षरशः झोडपून काढले. जिल्ह्याच्या अधिकतर भागात अचानक आलेल्या पावसामुळे कापणी केलेल्या भातपिकाचे मोठे नुकसान झाले असून, अनेक ठिकाणी पीक पावसाच्या पाण्यात तरंगत असल्याचे चित्र दिसून येत आहे. .सिंधुदुर्ग जिल्ह्यात १० ऑक्टोबरपासूनच जिल्ह्यात पावसाने पूर्णतः उघडीप दिली होती. त्यामुळे रखडलेल्या भातपीक कापणीला शेतकऱ्यांनी सुरुवात केली. दोन, तीन दिवस पाऊस नसल्यामुळे शेतकरी निर्धास्त होते. त्यामुळे बुधवारी सकाळपासून देखील जिल्ह्यातील बहुतांशी शेतकऱ्यांनी भातपिकाची मोठ्या प्रमाणात कापणी केली होती. दरम्यान, जिल्ह्यात बुधवारी सकाळपासून वातावरणात प्रचंड उकाडा वाढला होता. .Paddy Crop Damage : भाताच्या कोठारावर अस्मानी संकट .दुपारी दीड, दोन वाजल्यापासून पूर्वपट्ट्यात पावसाचे वातावरण निर्माण होण्यास सुरुवात झाली. त्यानंतर तीन वाजल्यापासून विजांच्या गडगडाटाला सुरुवात झाली. वैभववाडी, सावंतवाडी, कुडाळ, कणकवली या तालुक्यांत विजांच्या जोरदार कडकडाटासह मुसळधार पावसाला सुरुवात झाली. दोन ते तीन तास मुसळधार पाऊस झाला. .Paddy Crop Damage: हळव्या भाताचे अतोनात नुकसान.अचानक आलेल्या पावसामुळे कापणी केलेल्या पिकाची बांधणी करणे शेतकऱ्यांना शक्य झाले नाही. परिणामी, कापणी केलेल्या पिकांचे मोठे नुकसान झाले. मोठ्या प्रमाणात पीक पाण्यात तरंगत होते. वैभववाडी शहरात तर जिकडे तिकडे पाणीच पाणी अशी स्थिती होती. .शहराच्या मध्यवर्ती ठिकाणी शहर तुंबल्याने चित्र होते. आज आठवडा बाजार असल्याने अनेक व्यापाऱ्यांच्या दुकानात पावसाचे पाणी शिरले. भाजीपाल्याचे देखील मोठे नुकसान झाले. किनारपट्टी तालुक्यात पावसाचे वातावरण होते. दरम्यान, या पावसामुळे विलंबाने सुरू झालेल्या भातपीक कापणीला ब्रेक लागण्याची शक्यता आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
