Bajra Cultivation Development Programme: राष्ट्रीय अन्न सुरक्षा व पोषण अभियानांतर्गत बारामती तालुक्यातील बऱ्हाणपूर येथे खरीप हंगाम २०२६-२७ मध्ये बाजरी पीक उत्पादनवाढीसाठी दहा हेक्टर क्षेत्रावर प्रकल्प राबविण्यात येत आहे. या प्रकल्पाची उपविभागीय कृषी अधिकारी रश्मी जोशी यांनी बुधवारी (ता. २९) पाहणी करून शेतकऱ्यांना मार्गदर्शन केले..या प्रकल्पांतर्गत २५ शेतकरी लाभार्थ्यांची निवड करण्यात आली असून दहा हेक्टर क्षेत्रावर बाजरीचे प्रात्यक्षिक राबविण्यात येत आहे. प्रकल्प भेटीदरम्यान जोशी यांनी महिला शेतकरी लता दरेकर तसेच अशोक जराड आणि सचिन दरेकर यांच्या बाजरी प्रात्यक्षिक प्लॉटची पाहणी केली. .Agriculture Department Inspection: खत-बियाणे विक्रेत्यांना दणका.प्रकल्प भेटीदरम्यान मंडळ कृषी अधिकारी जी. डी. वाघमारे, उपकृषी अधिकारी राजेंद्र डोंबाळे, किसन काझडे, अनंत घोळवे तसेच प्रकल्पातील शेतकरी उपस्थित होते. सहायक कृषी अधिकारी एस. बी. गावडे यांनी प्रक्षेत्र भेटीचे नियोजन केले..Agriculture Officers Demand: पीकविमा बंद करण्याची अधिकाऱ्यांची मागणी.पिकाच्या वाढीचा आढावा घेत त्यांनी आवश्यक तांत्रिक सूचना दिल्या. या वेळी पंतप्रधान सुधारित पीक विमा योजनेअंतर्गत बाजरी, मका तसेच अन्य समाविष्ट पिकांचा विमा ३१ जुलैपूर्वी काढून घेण्याचे आवाहनही त्यांनी शेतकऱ्यांना केले..आधुनिक तंत्रज्ञानाचा प्रगतशील शेतकऱ्यांच्या माध्यमातून प्रचार-प्रसार करणे, बाजरी पीक तज्ज्ञ शेतकरी तयार करणे, उत्पादन खर्च कमी करणे, स्थानिक शेतकरी बचत गटांना बळकटी देणे हा या प्रकल्पाचा मुख्य उद्देश आहे. प्रात्यक्षिकांतून अधिकाधिक शेतकऱ्यांनी सुधारित तंत्रज्ञानाचा अवलंब करावा.रश्मी जोशी, उपविभागीय कृषी अधिकारी, बारामती.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
