Washim News: वाशीम शहर व तालुक्यात अवैध सावकारी व्यवहारांविरोधात सहकार विभागाने गुरुवारी (ता.२२) आठ पथकांमार्फत एकाच दिवशी झडतीसत्र व धाडसत्र राबविले. महेश गुरुमुखदास रामवाणी व राम सत्यनारायण यादव यांनी दाखल केलेल्या तक्रारींच्या अनुषंगाने महाराष्ट्र सावकारी (नियमन) अधिनियम, २०१४ कलम १६ अंतर्गत ही कारवाई करण्यात आली..गिरधारीलाल अग्रवाल, मारोती ठाकरे, सुरज सातपुते, स्वप्नील इंगोले, अजय इंगळे, राहुल ऊर्फ बंटी सिरसाट व वाजीद खान समशेर खान यांच्या व्यवसायांची झडती घेण्यात आली. संतोष विहार, अग्रसेन भवन, खरोळा, निमजगा, पाटणी कमर्शियल, सोनखास रोड, अल्लाडा प्लॉट व बागवानपुरा येथे कारवाई झाली..Illegal Moneylending: बुलडाण्यात सावकारी जाचातून शेतकऱ्यांच्या जमिनी मोकळ्या.या झडतीत रोख वह्या, खतावणी, कोरे धनादेश, स्थावर मालमत्तेची खरेदीखते व इसारचिठ्ठ्या जप्त करण्यात आल्या. ३८ कर्मचाऱ्यांनी ८ पथकांमध्ये विभागून ही कारवाई केली. तहसीलदार व १६ ग्राम महसूल अधिकारी पंच म्हणून या कारवाईसत्रात सहभागी झाले. पोलिसांची सुरक्षादेखील पुरवण्यात आली होती. जिल्हाधिकारी योगेश कुंभेजकर व संबंधित अधिकारी यांच्या मार्गदर्शनाखाली ही कारवाई पार पाडली गेली..नागरिकांना अवैध सावकारांविरोधातील तक्रारी सहकार विभागाच्या तालुका सहायक निबंधक किंवा जिल्हा उपनिबंधक कार्यालयात दाखल करण्याचे आवाहन जिल्हाधिकाऱ्यांच्या वतीने करण्यात आले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
