Kharif Season: बीड जिल्ह्यात आगामी खरीप हंगामाच्या पार्श्वभूमीवर शेतकऱ्यांना बियाणे, खते व इतर कृषी निविष्ठा मुबलक आणि गुणवत्तापूर्ण उपलब्ध करून देण्यासाठी प्रशासनाने काटेकोर नियोजन करावे. तसेच कृषी निविष्ठांची कृत्रिम टंचाई निर्माण करणाऱ्यांवर कठोर कारवाई करावी, असे निर्देश जिल्हाधिकारी विवेक जॉन्सन यांनी दिले..जिल्हाधिकारी कार्यालयातील सभागृहात आयोजित कृषी विभागाच्या जिल्हास्तरीय खरीप हंगामपूर्व आढावा बैठकीत ते बोलत होते. बैठकीस जिल्हा परिषदेचे मुख्य कार्यकारी अधिकारी जितीन रहमान, प्रभारी जिल्हा अधीक्षक कृषी अधिकारी सुभाष साळवे, कृषी उपसंचालक दादाराव जाधव यांच्यासह विविध विभागांचे अधिकारी उपस्थित होते..Agriculture Inputs Shortage : निविष्ठांची कृत्रिम टंचाई केल्यास कारवाई होणार.जिल्हाधिकारी श्री. जॉन्सन म्हणाले, की कृषी निविष्ठांची कृत्रिम टंचाई निर्माण करणाऱ्या तसेच विशिष्ट कंपनीचे उत्पादन घेण्यास शेतकऱ्यांना सक्ती करणाऱ्या दुकानदारांवर कठोर कारवाई करण्यात यावी. कृषी विभागाच्या भरारी पथकांनी वेळोवेळी कृषी केंद्रांची तपासणी करावी. तसेच टोल-फ्री क्रमांकावर प्राप्त होणाऱ्या तक्रारींवर तातडीने कार्यवाही करावी, असेही त्यांनी स्पष्ट केले. बोगस बियाण्यांची विक्री रोखण्यासाठी विशेष दक्षता घेण्याच्या सूचनाही त्यांनी दिल्या. कृषी केंद्र चालकांनी बियाणे खरेदीसाठी शेतकऱ्यांवर कोणतीही अट लादू नये, अन्यथा संबंधितांवर कारवाई करण्यात येईल, असा इशाराही त्यांनी दिला..यावेळी त्यांनी बियाणे व खतसाठा, पीकविमा, पीककर्ज, मृदा तपासणी तसेच शेतकरी अनुदान वाटप याबाबत संगणकीय सादरीकरणाद्वारे माहिती दिली. बदलत्या हवामानाशी सुसंगत शेतीसाठी पोकरा योजनेअंतर्गत शेतकऱ्यांना सक्षम करण्याचे प्रयत्न सुरू असून, उत्पादनवाढीसाठी विविध नाविन्यपूर्ण प्रयोग राबविण्यात येत असल्याचेही त्यांनी नमूद केले..Fertilizer Rationing Plan: खतटंचाईमुळे राज्यात रेशनिंगचा विचार: कृषिमंत्री भरणे.चारा लागवड, पीककर्ज उद्दिष्ट पूर्ण करण्याच्या सूचनाजिल्हाधिकारी विवेक जॉन्सन यांनी बीड जिल्ह्यात गायरान जमिनीसह इतर ठिकाणी चारा लागवडीचे क्षेत्र वाढविण्यावर भर देण्याच्या सूचना दिल्या. तसेच पोकरा योजनेअंतर्गत रेशीम उत्पादनासाठी क्षेत्रवाढ करण्याचे निर्देशही त्यांनी दिले..पीककर्ज वितरणाबाबत बँक अधिकाऱ्यांना सूचना देताना जिल्ह्यात १०० टक्के पीककर्ज उद्दिष्ट पूर्ण करण्यावर भर देण्यास सांगितले. कर्जवितरणात हलगर्जीपणा करणाऱ्या अधिकाऱ्यांवर नियमानुसार कार्यवाही प्रस्तावित केली जाईल, असेही त्यांनी स्पष्ट केले..८.८५ लाख हेक्टरवर खरीप लागवडबैठकीच्या प्रास्ताविकात आत्माचे प्रकल्प संचालक तथा प्रभारी जिल्हा अधीक्षक कृषी अधिकारी सुभाष साळवे यांनी जून २०२६ पासून खरीप हंगाम सुरू होत असल्याची माहिती दिली. बीड जिल्ह्याचे एकूण १०.६८ लाख हेक्टर भौगोलिक क्षेत्र असून, सरासरी ८.८५ लाख हेक्टर क्षेत्रावर खरीप लागवड केली जाते, असे त्यांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
