Satara News: पावसाने लांबलेली स्ट्रॉबेरी लागवड महाबळेश्वरसह जावळी, वाई तालुक्यांत तालुक्यात वेग आला आहे. सर्वत्र लागवडीची लगबग सुरू झाली असून, शेतकऱ्यांना मजुरांचा तुटवडा जाणवत आहे. महाबळेश्र्वर तालुक्यात ४० टक्के लागवडीचे काम पूर्ण झाले आहे. अति पावसामुळे रोपाचे नुकसान झाल्याने रोपाची टंचाई भासण्याची शक्यता शेतकऱ्यांकडून व्यक्त होत आहे..जिल्ह्यात महाबळेश्वर, जावळी, वाई, कोरेगाव, पाटण व सातारा या तालुक्यांत स्ट्रॉबेरी लागवड केली जाते. त्यापैकी सर्वाधिक लागवड महाबळेश्वर तालुक्यात होत असून, या ठिकाणी विंटर, नबिया, एसए, मुरानो, आरवन या जुन्या जातीसह पार्थिनो, पनामरिटा, एलियाना या नवीन वाणाची लागवड केली जात आहे..Strawberry Season : पाणी टंचाईमुळे स्ट्रॉबेरी हंगाम अंतिम टप्प्यात.सप्टेंबर महिन्याच्या सुरुवातीपासून स्ट्रॉबेरी लागवडीस प्रारंभ झाला आहे. पावसाळी वातावरणामुळे असंख्य अडचणी निर्माण झाल्या होत्या; आता मात्र उन्हाळा जाणवू लागल्याने लागवडीस वेग आला आहे. महाबळेश्वर तालुक्यात सुमारे अडीच ते तीन हजार एकर क्षेत्र स्ट्रॉबेरी शेतीखाली येते..सध्या एकावेळी लागवड सुरू असल्याने मजुरांची टंचाई भासत असून, शेतकऱ्यांना याचा मोठा फटका बसत आहे. तालुक्यात भिलार, राजपुरी, खिंगर, आंब्रळ, दानवली, कासवंड, भोसे, पांगारी, मेटगुताड, अवकाळी, गुरेघर या ठिकाणी स्ट्रॉबेरी लागवडीची लगबग पाहायला मिळत आहे..Strawberry Season : समाधानकारक दरामुळे स्ट्रॅाबेरी हंगाम दिलासादायक.वाई आणि जावळी तालुक्यांत मोठ्या प्रमाणावर स्ट्रॉबेरी रोपे तयार केली जातात व नंतर त्याची लागवड तालुक्यात करण्यात येते. यावर्षी दिवाळी सण लवकर आल्याने महाबळेश्वर, पाचगणी या पर्यटन करण्यासाठी येणाऱ्या पर्यटकांना स्ट्रॉबेरीची चव चाखता येणार नाही. तसेच शेतकऱ्यांना सणाला मिळणारा चांगल्या दरापासून वंचित रहावे लागणार आहे..स्ट्रॉबेरीच्या उत्पादन खर्चात वाढदेशभरात प्रसिद्ध असलेल्या महाबळेश्वर तालुक्यातील स्ट्रॉबेरीला सध्या महागाईचा मोठा फटका बसत आहे. कीटकनाशके, खते, बियाणे, तसेच मजुरांचे वाढलेले दर यामुळे उत्पादन खर्च गगनाला भिडला आहे..रोपांचे वाढलेले दर त्यामुळे स्ट्रॉबेरी लागवड करणे हे उत्पादक शेतकऱ्यांसाठी अधिकाधिक जिकिरीचे ठरत आहे. बदलत्या लहरी वातावरण, अवकाळी पाऊस, मिळणारे उत्पादन आणि बाजारपेठेतील दर पाहता या सर्वांची गोळाबेरीज करताना शेतकऱ्यांना तारेवरची कसरत करावी लागत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
