Jalgaon News : खानदेशात बाजरीची पेरणी जुलैत पूर्ण झाली आहे. यंदा क्षेत्र स्थिर आहे. अनेकांनी कापूस लागवड कमी केली आहे. यामुळे बाजरीची पेरणी स्थिर आहे. खानदेशात सुमारे १२ हजार हेक्टरपर्यंत पेरणी झाल्याचा अंदाज आहे. .बाजरीची पेरणी खानदेशात १२ ते १२ हजार ५०० हेक्टरवर अपेक्षित होती. वेळेत पाऊस आल्याने मूग, उडीद, सोयाबीन, कापूस यांची पेरणी वेळेत झाली. यामुळे पेरणीत वाढ झाली नाही. अनेकांनी कापूस लागवड कमी केली आहे. चारा व धान्यासाठी बाजरीची पेरणी करण्यास शेतकरी पसंती देतात. यामुळे बाजरीची पेरणी स्थिर आहे. केळी पट्ट्यातही बेवडसाठी बाजरी पेरणी करण्यात आली आहे. .Bajari Sowing : खानदेशात बाजरीची पेरणी सुरू.जळगाव जिल्ह्यात जळगाव, चोपडा, जामनेर, पाचोरा भागात केळी, पपईची काढणी पूर्ण झालेल्या क्षेत्रात बेवडसाठी बाजरीची पेरणी झाली आहे. तर रावेर, मुक्ताईनगर, यावल, धुळ्यातील शिरपूर, नंदुरबारमधील शहादा, तळोदा भागांत केळी व इतर पिकांना बेवड, जमीन सुपीकता यासाठी बाजरीची पेरणी झाली आहे..Bajara Irrigation Management : भरघोस उत्पादनासाठी बाजरीसाठी पाण्याच नियोजन.काळ्या कसदार जमिनीत पेरणी अधिक आहे. बाजरीचे दरही २२०० ते २३०० रुपये प्रति क्विंटल, असे टिकून होते. चाऱ्यासही मागणी असते. चाऱ्याचे दर वधारले आहेत. बाजरीचा चारा दुधाळ पशुधनाला सकस मानला जातो. यामुळे बाजरी पेरणीवर दूध उत्पादक व अन्य शेतकऱ्यांनी भर दिला आहे. बाजरी पेरणीस जुलैमध्ये सुरुवात झाली..शिंदखेडा आघाडीवर, जळगावातही पसंतीबाजरीची सुमारे सात हजार हेक्टरवर पेरणी जळगाव जिल्ह्यात झाल्याचा अंदाज आहे. तर धुळे व नंदुरबारमध्ये मिळून सुमारे पाच हजार हेक्टरवर बाजरी आहे. जळगाव जिल्ह्यात पाचोरा, भडगाव, पारोळा, अमळनेर, चाळीसगाव, जामनेर, मुक्ताईनगर, चोपडा, धुळ्यात शिरपूर, शिंदखेडा, साक्री, धुळे, नंदुरबारमध्ये शहादा, नवापूर, तळोदा, नंदुरबार भागात बाजरीची पेरणी बऱ्यापैकी आहे. धुळ्यातील शिंदखेडा तालुका बाजरीत आघाडीवर आहे. शिंदखेडा भागातील बाजरीस बाजारात चांगली मागणी असते. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
