Kalvan News: ओतूर तालुक्यातील बहुचर्चित ओतूर धरणाच्या विशेष दुरुस्ती काम सुरू असून, या कामाची आमदार नितीन पवार यांनी शुक्रवारी (ता.१६) पाहणी केली. जूनपूर्वी ओतूर धरणाच्या दुरुस्तीचे काम पूर्ण करणार असून, येत्या पावसाळ्यात धरणात पाणी अडविण्यात येणार असल्याचे जलसंपदा विभागाच्या अधिकाऱ्यांनी सांगितले..डिसेंबर २०२४ ला ओतूर धरणाच्या विशेष दुरुस्तीला सुरुवात झालेल्या कामाची आमदार पवार यांच्यासह जलसंपदाच्या अभियंत्यांनी शेतकऱ्यासमवेत पाहणी केली. ४ ते ५ महिन्यात दुरुस्तीचे काम पूर्ण करण्याचे जलसंपदाचे प्रयत्न आहेत..Irrigation Management: सिंचन व्यवस्थापनात कृतिशील सहभाग घ्यावा.दुरुस्तीनंतर धरणात ९१ दशलक्ष घनफूट पाणीसाठा होणार असून ओतूर परिसरातील ८ ते १० गावांतील सिंचनाला लाभ होणार आहे. धरणाच्या जलरोधी खंदकाचे, भूजल प्रवाह नियंत्रणाच्या काँक्रिट भिंत, सांडव्याचा काँक्रिट स्लॅब धरणातील वॉलचे काम पूर्ण झाले आहे. विमोचकाचे काम ७० टक्के पूर्ण झाले असून जुने व नवीन धरण जोडले जाणार असलेल्या ठिकाणी खोदकाम प्रगतिपथावर आहे. या वेळी राष्ट्रवादीचे तालुकाध्यक्ष राजेंद्र भामरे, जलसंपदाचे कार्यकारी अभियंता मनोज ढोकचौळे, देवीप्रसाद सोनवणे, गजानन फटपुरे, मंदार भापकर आदींसह शेतकरी उपस्थित होते..दिवंगत ए. टी. पवार यांचे ओतूर धरणाचे स्वप्न साकारण्यासाठी प्रयत्न होते. उपमुख्यमंत्री अजित पवार यांनी ओतूर धरणाचे काम मार्गी लावेल हा शब्द दिला होता. त्यानुसार निधी दिल्याने धरणाच्या कामाला सुरुवात झाली आहे.- नितीन पवार, आमदार, कळवण.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
