Nanded News: नांदेड जिल्हा पाणीदार होण्याच्या दृष्टीने जिल्हाधिकारी राहुल कर्डिले यांच्या महत्त्वाकांक्षी संकल्पनेतून ‘जलतारा’ ही विशेष मोहीम राबविण्यात येत आहे. जिल्ह्यातील कोरडवाहू भागाच्या समस्येवर कायमस्वरूपी उपाय म्हणून प्रत्येक शेतात जलसंधारण व्हावे, या उद्देशाने नांदेड जिल्ह्यात एक लाख जलतारे उभारण्याचे उद्दिष्ट निश्चित करण्यात आले आहे..प्रत्येक तालुक्यातील गावागावांमध्ये प्रत्यक्ष जलतारा उभारणीच्या कामास सुरुवात झाली आहे. पावसाचे पाणी थेट जमिनीत मुरवून त्याचा प्रभावी वापर शक्य होणार आहे. यामुळे शेतकऱ्यांना पावसाच्या पाण्यावरच वर्षातून दोन पिके घेणे शक्य होणार आहे. .Jaltara Project: नांदेड जिल्ह्यात साकारणार एक लाख ‘जलतारा’.‘जलतारा’ उपक्रमात प्रत्येक कामाचे जिओ-फेन्सिंग, नोंदणी, छायाचित्रण, प्रत्यक्ष प्रगती निरीक्षणासाठी स्वतंत्र मोबाइल ॲप विकसित करण्यात आले आहे. या उपक्रमांतर्गत आतापर्यंत ३४ हजार ४३४ जलतारांचे शेतकऱ्यांकडून प्रस्ताव प्राप्त झाले आहेत. त्यापैकी २८ हजार ८१४ इतक्या जलतारांना प्रशासकीय मान्यताही देण्यात आली आहे. .Jaltara Project : जलतारा योजनेतून भूजल पातळी वाढणार.पावसाचे पाणी साठवून त्यातून वर्षातून दोन पिके घेण्याचे उद्दिष्ट साध्य करण्यासाठी भारत रुरल लाइव्हलीहूड फाउंडेशन, मनरेगा विभाग व जिल्हा प्रशासनाच्या संयुक्त विद्यमाने सहा तालुक्यांत तीन संस्थांच्या माध्यमातून हाय इम्पॅक्ट मेगा वॉटरशेड प्रकल्प राबविण्यात येत आहे. या प्रकल्पांतर्गत ई-पीआर, शिवारफेरी, हाउसहोल्ड सर्व्हे करून नागरिकांच्या गरजांनुसार पाच वर्षांचा सविस्तर प्रकल्प आराखडा तयार करण्यात आला आहे. १ लाख जलतारा तयार करण्यात येणार आहेत. प्रत्येक एक एकर क्षेत्रात उताराच्या दिशेने ५ फूट रुंद, ५ फूट लांब व ६ फूट खोल खड्डा खोदून त्यात खाली मोठे दगड, त्यावर मध्यम आकाराचे दगड भरून जलतारा तयार करण्यात येतो..एका जलतारासाठी ५२०० रुपये मजुरीएका जलतारामध्ये पावसाळ्यात सुमारे ३.६० लाख लिटर पाणी मुरविण्याची क्षमता आहे. त्यामुळे शिवारातील विहिरी व बोअरवेलला पाणी मिळण्यास मदत होऊन भूजलपातळी वाढीस चालना मिळणार आहे. मनरेगा अंतर्गत प्रत्येक जलतारासाठी ५ हजार २०० रुपये मजुरी स्वरूपात शेतकऱ्यास देण्यात येतात. सातबारा व उतारानुसार कमाल ५ एकरपर्यंत ५ जलतारे उभारण्याचा लाभ घेता येणार आहेत. एका शेतकऱ्यास २६ हजार रुपयांपर्यंत लाभ मिळू शकतो..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
