आज आपण सोयाबीन, कापूस, मका, शेवगा आणि तूर बाजाराची माहिती घेणार आहोत.सोयाबीनमध्ये वाढदेशातील बाजारात मागील काही दिवसांपासून सोयाबीनच्या दरात वाढ होत आहे. जानेवारी महिन्यात सोयाबीन भावाला चांगलाच आधार मिळाला आहे. आजही प्रक्रिया प्लांट्च्या खरेदी भावात वाढ झाली होती. पुढे सोयापेंड आणि सोयातेलाला उठाव मिळत असल्याने भाव सुधारले आहेत. आज प्रक्रिया प्लांट्सचे सोयाबीन खरेदीचे भाव ५ हजार ४५० ते ५ हजार ६०० रुपयांच्या दरम्यान होते. तर बाजारांमध्ये सोयाबीन सरासरी ५ हजार १०० ते ५ हजार ३०० रुपयांच्या दरम्यान विकले जात आहे. सोयाबीनच्या भावाला चांगला आधार असल्याने दर टिकून राहतील, असा अंदाज सोयाबीन बाजारातील अभ्यासकांनी व्यक्त केला आहे. .कापूस दर स्थिरावलेकापसाच्या भावात झालेली सुधारणा कायम आहे. आता सीसीआय यंदाच्या हंगामात खरेदी केलेला कापूस विकत आहे. यामुळे दरावर याचाही परिणाम होत आहे. सीसीआयने कापूस विक्रीचे भाव कमी केले नाहीत, यामुळे आधारही आहे. सध्या बाजारात कापूस ७ हजार ९०० ते ८ हजार २०० रुपयांच्या दरम्यान विकला जात आहे. बाजारातील कापसाची आवकही कमीच आहे. खुल्या बाजारात कापसाचे भाव वाढल्याने सीसीआयची खरेदीही कमी झाली आहे. पुढील काळात बाजारातील आवक कमीच राहण्याची शक्यता आहे. याचा आधार कापसाच्या भावाला मिळेल, असा अंदाज कापूस बाजारातील अभ्यासकांनी व्यक्त केला आहे..Agrowon Podcast: मुगाचा भाव दबावातच; सोयाबीनमध्ये काहीशी सुधारणा, कापूस भाव स्थिरावले, मेथी दबावातच तर भेंडीचे दर टिकून.मक्याचा भाव दबावातचदेशातील बाजारात यंदा मक्याचा भाव दबावातच आहे. मक्याचे उत्पादन यंदा गेल्यावर्षीपेक्षा वाढले आहे. तर दुसरीकडे मागणी कमी आहे. याचा फटका बाजारात शेतकऱ्यांना बसत आहे. मक्याचा भाव हमीभावापेक्षा कमीच आहे. यंदा सरकारने मक्याला प्रतिक्विंटल २ हजार ४०० रुपये हमीभाव जाहीर केला आहे. तर बाजारात सध्या १ हजार ७०० ते २ हजारांच्या दरम्यान भाव मिळत आहे. हमीभावाने मक्याची खरेदीही धिम्या गतीने सुरु आहे. याचा फटकाही शेतकऱ्यांना बसत आहे. मक्याचे भाव पुढील काळातही दबावातच राहू शकतात, असा अंदाज मका बाजारातील अभ्यासकांनी व्यक्त केला आहे..Agrowon Podcast: उडदाचे भाव दबावातच; सोयाबीन स्थिरावले, कापूस आवक कमीच, गाजरला उठाव तर लसणाचा भाव टिकून .शेवगा दरात नरमाईशेवगा भावाने यंदा विक्रमी टप्पा गाठला होता. मात्र काही दिवसांपासून बाजारातील शेवग्याची आवक सुधारली आहे. याचा दबाव दरावर आला आहे. शेवग्याचे भाव आता नरमले आहेत. तरीही काही बाजारांमध्ये शेवग्याला कमाल १५ हजारांपर्यंत भाव मिळत आहे. तर सरासरी भावपातळी १० हजार १२ हजार रुपयांच्या दरम्यान आहे. शेवग्याची आवक वाढली तरी आवकेचा दबाव कमीच आहे. शेवग्याच्या आवकेत पुढील काही दिवसांमध्ये काहीशी सुधारणा होऊ शकते, असा अंदाज शेवगा बाजारातील अभ्यासकांनी व्यक्त केला आहे..तुरीच्या दरात सुधारणादेशातील बाजारात सध्या तुरीला चांगला उठाव आहे. तर दुसरीकडे तुरीची आवक कमी आहे. त्यामुळे तुरीच्या भावाला चांगला आधार मिळाला आहे. तुरीचे भाव जानेवारी महिन्यात क्विंटलमागे १०० ते २०० रुपयाने सुधारले आहेत. सध्या बाजारात तूर ६ हजार ९०० ते ७ हजार ३०० रुपयांच्या दरम्यान विकली जात आहे. तुरीची आवक पुढील काही दिवसांमध्ये वाढण्याची शक्यता आहे. त्यामुळे तुरीचे दर स्थिरवण्याची शक्यता आहे. बाजारात आवकेचा दबाव वाढल्यानंतर दरावरही दबाव दिसू शकतो. पण हमीभावाने खरेदी सुरु झाल्यानंतर बाव टिकून राहण्यास मदत होईल, असा अंदाज तूर बाजारातील अभ्यासकांनी व्यक्त केला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
