Kharif Seed Demand: छत्रपती संभाजीनगर, जालना आणि बीड या तीन जिल्ह्यांत मॉन्सूनपूर्व काळात सोयाबीन बियाण्यांच्या विक्रीवर पावसाच्या प्रतीक्षेचा परिणाम दिसून आला. १९ जूनअखेर उपलब्ध झालेल्या सोयाबीन बियाण्यांपैकी ६० हजार ७६० क्विंटल बियाण्यांची विक्री झाली आहे. अलीकडील पावसामुळे आता बियाणे खरेदीला वेग येण्याची अपेक्षा व्यक्त होत आहे..मराठवाड्यातील छत्रपती संभाजीनगर, जालना आणि बीड हे सोयाबीन उत्पादक जिल्हे मानले जातात. या तीन जिल्ह्यांतील सोयाबीनचे सरासरी क्षेत्र ५ लाख ४५ हजार ७३३ हेक्टर आहे. यंदा मात्र या तीनही जिल्ह्यांत मिळून ६ लाख ५२ हजार १११ हेक्टर क्षेत्रावर सोयाबीन लागवडीचे नियोजन करण्यात आले आहे..Soybean Seeds: सोयाबीन बियाण्यांची चिंता कायम.प्रस्तावित क्षेत्र आणि प्रति हेक्टर ७५ किलो बियाणे या निकषानुसार सुमारे ४ लाख ८९ हजार ८४ क्विंटल सोयाबीन बियाण्यांची गरज आहे. याशिवाय ग्रामबीज उत्पादन आणि शेतकऱ्यांकडे राखून ठेवलेले सुमारे ४ लाख २२ हजार ३७८ क्विंटल बियाणे उपलब्ध होण्याची अपेक्षा आहे..३५ टक्के बियाणे बदल दर गृहीत धरल्यास महाबीज, राष्ट्रीय बियाणे महामंडळ आणि खासगी कंपन्यांकडून १ लाख ७१ हजार १७९ क्विंटल बियाणे उपलब्ध होणे अपेक्षित होते. त्यानुसार महाबिजकडून ३० हजार ८१७ क्विंटल, राष्ट्रीय बियाणे महामंडळाकडून ५ हजार क्विंटल आणि खासगी कंपन्यांकडून १ लाख ३५ हजार ३६२ क्विंटल बियाणे उपलब्ध करून देण्याचे नियोजन कृषी विभागाने केले होते..Soybean Seeds: सोयाबीन बियाण्याचा मागणीपेक्षा जास्त पुरवठा.१९ जूनअखेर महाबीजने ३४ हजार ३७९ क्विंटल, राष्ट्रीय बियाणे महामंडळाने २१० क्विंटल आणि खासगी कंपन्यांनी १ लाख २९ हजार ६०० क्विंटल असे एकूण १ लाख ६४ हजार १२९ क्विंटल बियाण्यांचा पुरवठा केला. त्यापैकी ६० हजार ७६० क्विंटल बियाण्यांची विक्री झाली. विक्री झालेल्या बियाण्यांमध्ये महाबीजचे २० हजार ५०० क्विंटल, तर खासगी कंपन्यांचे ४० हजार २६० क्विंटल बियाणे होते, अशी माहिती कृषी विभागाने दिली..गेल्या दोन दिवसांत विविध भागांत झालेल्या पावसामुळे पेरणीला गती मिळण्याची शक्यता असून, शेतकरी बियाणे खरेदीला प्राधान्य देतील, अशी अपेक्षा व्यक्त केली जात आहे..सोयाबीनला अपेक्षित दर मिळत नसल्याने, तसेच पावसाच्या उशिरामुळे अनेक शेतकरी उडीद, बाजरी, मका आणि तूर यांसारख्या पर्यायी पिकांकडे वळण्याची शक्यता आहे. उत्पादन खर्चात वाढ आणि बाजारभावाबाबतची अनिश्चितता यामुळेही सोयाबीन क्षेत्र घटू शकते. मात्र, हे सर्व पावसाचे आगमन आणि त्याच्या प्रमाणावर अवलंबून राहील. समाधानकारक पाऊस झाल्यास सोयाबीन पेरणीत वाढ होऊ शकते.- अभिमान अवचार, वडवाडी, ता. जि. बी.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
