आज आपण सोयाबीन, मूग, शेपू, गवार आणि डाळिंब बाजाराची माहिती घेणार आहोत.सोयाबीन टिकूनसोयाबीनच्या दरातील सुधारणा कायम आहे. प्रक्रिया प्लांट्सचे भाव प्रतिक्विंटल सरासरी ४ हजार ८०० ते ४ हजार ९०० रुपये प्रतिक्विंटलच्या दरम्यान होते. तर बाजार समित्यांमध्ये सोयाबीन ४ हजार १०० ते ४ हजार ५०० रुपयाने विकले गेले. बियाणे दर्जाच्या सोयाबीनचा भाव ६ हजार ते ८ हजार रुपये प्रतिक्विंटल आहे. बाजारातील सोयाबीनची आवक मर्यादीत आहे. त्यामुळे मागील आठवडाभरात सोयाबीनच्या भावात सुधारणा दिसून आली. सोयाबीनचे भाव काही दिवस टिकून राहू शकतात, असा अंदाज सोयाबीन बाजारातील अभ्यासकांनी व्यक्त केला. .मुगाचा भाव दबावातचराज्यातील काही बाजारात नव्या मुगाची आवक होत आहे. मात्र मूग पिकाची गुणवत्ता पावसामुळे कमी झाली आहे. तसेच उत्पादनही मोठ्या प्रमाणात कमी झाले. त्यामुळे आवकही मर्यादीत आहे. मात्र असे असतानाही मुगाचे भाव हमीभावापेक्षा कमीच आहेत. मुगाला सध्या बाजारात ६ हजार ते ६५०० रुपयांचा द मिळत आहे. आयात मालाचा दबाव दरावर येत असल्याचे अभ्यासकांनी सांगितले. मुगाची आवक पुढील काळातही कमीच राहण्याची शक्यता आहे. मात्र सरकारी धोरणांचा दबाव दरावर राहण्याची शक्यता आहे, असे अभ्यासकांनी सांगितले. .Market Update: टोमॅटो स्थिर; डाळिंब, काबुली हरभरा, गवार आणि बटाट्याला काय दर?.शेपुचे दर टिकूनराज्यातील बाजारात शेपुच्या भाजीची आवक मर्यादीत होत आहे. पावसामुळे पालेभाज्या पिकांना जोरदार फटका बसला. अनेक ठिकाणी प्लाॅट खराब झाले. परिणामी सध्या बाजारात पालेभाज्यांची आवक कमी होत आहे. तर दुसरीकडे बाजारात उठाव चांगला आहे. त्यामुळे दर तेजीत आहेत. राज्यातील बाजारात सध्या शेपुला शेकडा सरासरी १३ हजार ते १८०० रुपयांचा दर मिळत आहे. मागील ४ दिवसांमध्येही राज्यातील काही भागात पावसाने पुन्हा दणका दिला आहे. त्यामुळे भाजीची बाजारातील आवक लगेच वाढण्याची शक्यता नाही. यामुळे दरालाही चांगला आधार रहील, असा अंदाज जाणकारांनी व्यक्त केला. .Market Update : कळमनात तुरीसह सोयाबीन दरही दबावात .Market Updateगवारचे दर तेजीतच राज्यातील बाजारात मागील दोन महिन्यांपासून गवारची आवक कमीच आहे. त्यामुळे दर तेजीतच आहेत. गवारला मागणी आहे. मात्र पावसामुळे गवारच्या पिकालाही फटका बसला. अनेक भागात नव्याने लागवडी झाल्या. पण काढणीयोग्य प्लाॅट कमी असल्याचे शेतकरी सांगत आहेत. बाजारातील कमी आवक आणि चांगली मागणी यामुळे दर तेजीत आहेत. सध्या गवार प्रतिक्विंटल सरासरी ७ हजार ते ८ हजार रुपये प्रतिक्विंटलच्या दरम्यान आहेत. गवारचे दर आणखी काही दिवस तेजीतच राहू शकतात, असा अंदाज व्यापारी व्यक्त करत आहेत..डाळिंब तेजीतचबाजारात दर्जेदार डाळिंबाची आवक खपूच आहे. तर दुसरीकडे अशा डाळिंबाला चांगला उठाव आहे. त्यामुळे दर्जेदार डाळिंबाचा भाव तेजीत आहे. या डाळिंबाचा भाव बाजारात ८ हजार ते १० हजारांच्या दरम्यान आहे. मात्र बाजारात कमी गुणवत्तेच्या डाळिंबाची आवक जास्त आहे. डाळिंबाला पावसाचा तडाखा बसलेला आहे. त्यामुळे गुणवत्ता कमी झाली. या डाळिंबाला बाजारात सरासरी १ हजार ते ३ हजारांच्या दरम्यान भाव मिळत आहे. सततच्या पावसाने फळसडही मोठ्या प्रमाणात झालेली आहे. त्यामुळे पुढील काही आठवडे बाजारात दर्जेदार मालाचा तुटवडा राहण्याची शक्यता आहे. परिणामी या मालाचे दरही टिकून राहतील, असा अंदाज जाणकारांनी व्यक्त केला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
