Agriculture Market: नव्या हंगामाच्या तयारीत शेतकरी व्यस्त असतानाच बाजारपेठेत सोयाबीनच्या दरात लक्षणीय वाढ होत असल्याचे चित्र आहे. पश्चिम विदर्भातील प्रमुख कृषी उत्पन्न बाजार समित्यांमध्ये सोयाबीनचा कमाल दर ६ हजार रुपयांपर्यंत पोहोचला असून काही ठिकाणी ६,१०० रुपयांपर्यंत दर नोंदवले जात आहेत. अकोला, खामगाव, वाशीम आणि कारंजा या बाजारांमध्ये सध्या सोयाबीनचे दर ५,५०० ते ६,००० रुपयांदरम्यान आहेत..सोमवारी (ता. २७) अकोला कृषी उत्पन्न बाजार समितीत सोयाबीनचा कमाल दर ६,०३० रुपये नोंदवण्यात आला, तर किमान दर ५,०५० रुपये होता. सरासरी दर सुमारे ५,९०० रुपयांवर पोहोचला. बाजारात सोयाबीनची आवक दीड ते दोन हजार पोत्यांची सुरु आहे. मागील आठवडाभरात दरात सातत्याने वाढ दिसून आली असून गेल्या तीन वर्षांतील मंदीनंतर ही सकारात्मक घडामोड मानली जात आहे..Soybean Processing : प्रक्रिया करुनच आहारात वापरा सोयाबीन .दरवाढीमागे यावर्षी उत्पादनात झालेली घट हे प्रमुख कारण असल्याचे तज्ज्ञांचे मत आहे. खरीप हंगामात पावसाचा अतिरेक, तसेच विविध नैसर्गिक आपत्तींमुळे पिकांचे मोठे नुकसान झाले. परिणामी बाजारातील आवक घटली आणि दरात वाढ झाली..याशिवाय आंतरराष्ट्रीय पातळीवरही परिस्थिती बदलत आहे. अमेरिका आणि ब्राझीलसारख्या प्रमुख सोयाबीन उत्पादक देशांमध्ये हवामानातील बदलांमुळे उत्पादन घटण्याची शक्यता वर्तवली जात आहे. याचा परिणाम स्थानिक बाजारावरही होत असल्याचे व्यापाऱ्यांचे म्हणणे आहे..Soybean Crop Insurance: सोयाबीनचा १०० कोटी ४५ लाख २० हजार रुपये विमा परतावा देय.मात्र, दरवाढ असूनही बहुतांश शेतकऱ्यांकडे विक्रीसाठी सोयाबीनचा साठा मर्यादित असल्याने या वाढीचा थेट लाभ सर्वांना मिळेलच असे नाही. आगामी काही दिवसांत दर आणखी वाढण्याची शक्यता व्यक्त केली जात असली, तरी शेतकऱ्यांच्या हातात माल कमी असल्याने या तेजीचा फायदा मर्यादित राहण्याची शक्यता आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
