Kharif Crop Planning Buldhana: बुलडाणा जिल्ह्यात अद्यापही सोयाबीन पिकाला सक्षम पर्याय उपलब्ध न झाल्याने यंदाच्या खरीप हंगामातही शेतकऱ्यांचा कल मोठ्या प्रमाणावर सोयाबीनकडेच राहणार असल्याचे चित्र आहे. कृषी विभागाने आगामी हंगामासाठी केलेल्या नियोजनानुसार जिल्ह्यात तब्बल ४ लाख ३५ हजार ५०० हेक्टर क्षेत्रावर सोयाबीन लागवडीचा अंदाज व्यक्त करण्यात आला आहे. .त्यानुसार बियाणे व खतांचे नियोजन करण्यात आले असून शेतकऱ्यांना वेळेत उपलब्धता करून देण्याच्या दृष्टीने हालचाली सुरू झाल्या आहेत. बुलडाणा जिल्ह्यात एकूण सरासरी ७ लाख ३६ हजार ५६६ हेक्टर क्षेत्र खरीप पिकाखाली येते. त्यापैकी जवळपास ६० टक्के क्षेत्रावर दरवर्षी सोयाबीनची लागवड केली जाते. गेल्या हंगामात जिल्ह्यात ४ लाख ३८ हजार ८६८ हेक्टरवर सोयाबीनची पेरणी झाली होती..Kharif Crop Planning: खरिपात पाऊस कमी? योग्य नियोजनाने शाश्वत उत्पादन शक्य.यंदा त्यामध्ये किंचित घट अपेक्षित धरून ४ लाख ३५ हजार ५०० हेक्टरचे उद्दिष्ट निश्चित करण्यात आले आहे. या प्रस्तावित क्षेत्रासाठी सुमारे ३ लाख २६ हजार ६२५ क्विंटल बियाण्यांची आवश्यकता भासणार आहे..त्यासाठी महाबीज, राष्ट्रीय बियाणे महामंडळ तसेच खासगी कंपन्यांच्या माध्यमातून बियाणे उपलब्ध करण्याचे नियोजन कृषी विभागाने केले आहे. याशिवाय शेतकऱ्यांनी स्वतःकडे राखून ठेवलेले सुमारे २ लाख ३९ हजार ६०३ क्विंटल बियाणेही पेरणीसाठी वापरण्यात येणार असल्याची माहिती कृषी विभागाच्या सूत्रांनी दिली..Soybean Variety : सोयाबीन लागवडीसाठी वाण निवड.घटत्या उत्पादकतेचे आव्हानसोयाबीनला अद्यापही तोडीस तोड असे पर्यायी पीक उपलब्ध झालेले नाही. उत्पादन खर्च वाढ, बाजारभावातील चढ-उतार आणि हवामानातील अनिश्चितता, सोयाबीनची घटलेली उत्पादकता ही आव्हाने कायम असून त्यावर उपाययोजना करण्याची गरज व्यक्त होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
