Pest Control: अकोला जिल्ह्यात यंदाच्या खरीप हंगामात पेरणी झालेल्या सोयाबीनसह इतर पिकांवर उगवणीच्या सुरुवातीच्या टप्प्यातच कीड व रोगांचा प्रादुर्भाव दिसून येत आहे. त्यामुळे पिकांचे संरक्षण करण्यासाठी शेतकऱ्यांनी कीडनाशकांच्या फवारणीला सुरुवात केली आहे. सुरुवातीच्या टप्प्यातच कीड नियंत्रणाचे आव्हान निर्माण झाले आहे. .जिल्ह्यात आतापर्यंत सुमारे ७० टक्के क्षेत्रावर खरीप पेरणी पूर्ण झाली आहे. जूनमध्ये झालेल्या पावसामुळे सुरुवातीला पेरणी केलेल्या सोयाबीनसह इतर पिकांची उगवण झाली असून पिके काही ठिकाणी ताशी लागली आहेत..Soybean Crop Disease: सोयाबीनवरील तांबेरा, करपा, मोझॅकची लक्षणे.उगवणीनंतर लगेचच विविध किडींचा प्रादुर्भाव वाढू लागला आहे. विशेषतः सोयाबीन पिकावर पैसावाणी आणि हिरव्या अळ्यांचा प्रादुर्भाव मोठ्या प्रमाणात आढळून येत असून, या किडी कोवळी पाने कुरतडत असल्याने रोपांच्या वाढीवर विपरीत परिणाम होण्याची भीती व्यक्त शेतकरी व्यक्त करीत आहेत..Soybean Crop Disease: सोयाबीन पिकावरील खोडमाशी व्यवस्थापन .पिकांचे संभाव्य नुकसान टाळण्यासाठी अनेक शेतकरी तज्ज्ञांच्या सल्ल्यानुसार कीडनाशकांची फवारणी करत आहेत. सुरुवातीच्या अवस्थेतच किडींचे नियंत्रण मिळवणे आवश्यक असल्याने शेतकऱ्यांनी नियमितपणे शेताची पाहणी करून प्रादुर्भाव वाढत असल्यास तातडीने उपाययोजना कराव्यात, असे आवाहन कृषी क्षेत्रातील जाणकारांकडून करण्यात येत आहे..दरम्यान, सातत्याने बदलणारे हवामान आणि वाढती आर्द्रता यामुळे कीड-रोगांचा प्रादुर्भाव वाढण्याची शक्यता असल्याने शेतकऱ्यांनी शिफारशीनुसार कीडनाशकांची फवारणी करून पिकांचे संरक्षण करावे, तसेच अनावश्यक आणि अतिरेकी फवारणी टाळावी, असेही आवाहन करण्यात येत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
