Soybean oil Imports Impact on Indian Market: भारताची सोयातेल आयात ऑगस्टमध्ये विक्रमी पातळीवर पोहोचण्याची शक्यता आहे. स्पर्धात्मक दर आणि सणासुदीच्या मागणीमुळे रिफायनरी कंपन्यांनी खरेदी वाढवली आहे. तसेच, रशिया-युक्रेन युद्धामुळे सूर्यफूल तेलाच्या पुरवठ्यात अडथळे निर्माण झाल्याने खरेदीदार सोयातेलाला पसंती देत असल्याचे या क्षेत्रातील जाणकारांनी सांगितले..ऑगस्टमध्ये सोयातेलाची आयात ६.२० लाख टनांपर्यंत पोहोचण्याची शक्यता आहे. हे प्रमाण नोव्हेंबरपासून सुरू झालेल्या चालू विपणन वर्षातील आतापर्यंतच्या सरासरी मासिक आयातीपेक्षा सुमारे ४६ टक्क्यांनी अधिक आहे. या कालावधीत सोयातेलाची सरासरी मासिक आयात ४ लाख २४ हजार ५४९ टन होती, असे व्यापाऱ्यांनी सांगितले..‘‘सोयाबीन तेलाचे दर अत्यंत स्पर्धात्मक आहेत. त्याचवेळी सूर्यफूल तेलाच्या पुरवठ्यात अडथळे निर्माण झाल्याने सोयाबीन तेल अधिक आकर्षक ठरत आहे,’’ असे मुंबईस्थित वनस्पती तेल ब्रोकरेज कंपनी सनविन ग्रुपचे मुख्य कार्यकारी अधिकारी संदीप बजोरिया यांनी सांगितले..Global Soybean Production: जागतिक सोयाबीन उत्पादनात येत्या वर्षीही नवा उच्चांक शक्य.अलिकडच्या काही महिन्यांत रशिया आणि युक्रेनने काळ्या समुद्रातील तसेच आसपासच्या बंदरांमधील सागरी पायाभूत सुविधांवरील हल्ले वाढवले आहेत. त्यामुळे धान्य आणि खाद्यतेलाच्या वाहतुकीवर परिणाम झाला आहे. भारताची बहुतांश सूर्यफूल तेलाची आयात रशिया आणि युक्रेनमधून होते. ऑगस्टमध्ये सूर्यफूल तेलाची आयात १.८ लाख टनांपर्यंत घसरण्याची शक्यता आहे. हे प्रमाण फेब्रुवारी २०२६ नंतरचे सर्वांत कमी असून, मागील महिन्याच्या तुलनेत २८ टक्क्यांनी कमी आहे..काळ्या समुद्रातून ऑगस्ट आणि सप्टेंबरमध्ये भारतात पोहोचणे अपेक्षित असलेले सुमारे १.५ लाख टन सूर्यफूल तेल युद्धामुळे रखडले आहे. दक्षिण भारतातील खरेदीदार सामान्यतः सूर्यफूल तेलाला प्राधान्य देतात..मात्र, आयातीतील अडथळ्यांमुळे ते आता सोयातेलाकडे वळत आहेत. पश्चिम किनाऱ्यावरील कांडला आणि जेएनपीटी बंदरांसह दक्षिण भारतातील कृष्णपट्टणम आणि काकीनाडा बंदरांवरही सोयातेलाची आवक सुरू झाली आहे..Soybean Oil Demand: अमेरिकेत जैवइंधनासाठी सोयातेलाचा वापर वाढता.एका व्यापाऱ्याच्या मते, सप्टेंबरमध्येही भारताची सोयातेल आयात ६ लाख टनांपेक्षा जास्त राहण्याची शक्यता आहे. स्थानिक तेलबियांच्या उत्पादनावर एल निनोच्या हवामान परिस्थितीचा परिणाम होण्याची शक्यता असल्याने मुबलक उपलब्धता आणि स्पर्धात्मक दरांचा फायदा घेत भारताने सोयातेलाची खरेदी वाढवली आहे..भारत साधारणपणे अर्जेंटिना आणि ब्राझीलमधून मोठ्या प्रमाणावर सोयातेल आयात करतो. मात्र, तातडीच्या पुरवठ्यासाठी आता चीन, इजिप्त, थायलंड आणि टर्की यांसारख्या देशांकडूनही तेलाची खरेदी केली जात आहे..पाम आणि सोयातेलाचा आयात खर्च समानऑक्टोबर-डिसेंबरमध्ये पोहोचणाऱ्या पाम तेल आणि सोयातेलाचा आयात खर्च जवळपास समान असल्याने भारत पुढील अनेक महिन्यांसाठी ही सोयातेलाची खरेदी करत आहे. त्याचवेळी सूर्यफूल तेलाचा दर सोयातेलापेक्षा जवळपास २०० डॉलर्स प्रतिटन अधिक आहे. भारत प्रामुख्याने इंडोनेशिया, मलेशिया आणि थायलंड येथून पाम तेलाची आयात करतो..पाम तेलाच्या दरात वाढसोयातेल आणि पाम तेलाच्या दरातील फरक कमी झाला आहे. एप्रिलमध्ये सोयातेलाचा पाम तेलावरील प्रीमियम १०० डॉलर्सपेक्षा अधिक होता. आता तो सुमारे ५० डॉलर्स प्रति टन राहिला आहे. प्रतिकूल हवामानामुळे पाम तेलाच्या उत्पादनावर परिणाम होण्याची शक्यता आणि इंडोनेशियाने जैवइंधनासाठी पाम तेलाचा वापर वाढवण्याचा घेतलेला निर्णय यामुळे पाम तेलाच्या दरात वाढ झाली आहे. त्यामुळे भारतीय खरेदीदारांनी सोयातेलाला पसंती दिली आहे.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
