अतिवृष्टीमुळे शेतपिके उद्ध्वस्त झालीकोल्हापूर जिल्ह्यातही पुराचा शेतपिकांना फटकापन्हाळा तालुक्यातील मोहरे गावातील एका शेतकरी महिलेने सोयाबीन पिकावर ट्रॅक्टर फिरवला.Soybean Crop Damage : अतिवृष्टीमुळे मराठवाडा, सोलापूरमध्ये हाहाकार उडाला. शेतपिके उद्ध्वस्त झाली. शेतजमिनी खरडून गेल्या. पिके नष्ट झाली, अशी भयानक परिस्थिती आहे. कोल्हापूर जिल्ह्यातील काही भागातही मुसळधार पाऊस आणि पुराने शेतपिकांचे नुकसान झाल्याचे दिसून आले. मुख्यतः पुराचा फटका सोयाबीन पिकाला बसला. यामुळे शेतकरी हवालदिल झाला आहे. .कोल्हापूर जिल्ह्याच्या पन्हाळा तालुक्यातील मोहरे गावातील एका शेतकरी महिलेने ३० गुंठे जमिनीवरील सोयाबीन पिकावर ट्रॅक्टर फिरवला. येथील भारती बाबूराव पवार ह्या शेतकरी महिलेने जून महिन्यात ३० गुंठे जमिनीवर सोयाबीन पेरणी केली होती. पीकही जोमात आले होते. पण जून महिन्यापासून पाऊस सुरु राहिल्याने वारणा नदीला दोन वेळा महापूर आला. या महापुरात सोयाबीन पीक पाण्याखाली गेले आणि ते पूर्णपणे खराब झाले. पाण्याने सडून गेलेले पीक हातीच काहीच लागणार नाही, हे लक्षात आल्यावर पवार कुटुंबाने उभ्या पिकावर ट्रॅक्टर फिरवण्याचा निर्णय घेतला. .Crop Damage Compensation : अतिवृष्टिबाधितांना चौपट दराने मदत द्या.त्यांनी ३० गुंठ्यातील सोयाबीन पिकासाठी १० ते १५ हजारांचा खर्च केला होता. पण पीक पाण्याखाली गेल्याने ते होत्याचे नव्हते झाले..Kharif Onion Crops Damage : अतिवृष्टीचा खरीप, लेट खरीप कांद्याला फटका, ८० टक्के पिकाचे नुकसान.विदर्भातही सोयाबीन पिकाचे नुकसान झाले आहे. येथील एका शेतकऱ्याने त्याचे ८ एकर जमिनीवरील उभे पीक पेटवून दिल्याची घटना समोर आली आहे. .मराठवाड्यात शेतकऱ्यांचे मोठे नुकसान झाले. सोयाबीन, ऊस, कापूस ही पिके पाण्यामुळे सडून गेली आहेत. अशा परिस्थितीत शेतकऱ्यांकडून सरकारकडे मदतीची मागणी होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
