Akola News : गेल्या तीन-चार दिवसांपासून पावसाचा जोर ओसरल्याने खरीप हंगामातील सोयाबीनच्या काढणीस सुरुवात झाली आहे. अनेक ठिकाणी सोयाबीन पीक काढणीसाठी पूर्णपणे तयार झाले असून काही ठिकाणी ते परिपक्व होत आहे. त्यामुळे शेतकऱ्यांमध्ये आता काढणीची लगबग दिसून येत आहे. कुठे मजुर मिळवण्यासाठी चढाओढही सुरु आहे. .सोयाबीनचा हंगाम दसऱ्यापासून वेग घेतो. सध्या गेल्या काळातील पावसामुळे जमीन ओली असल्यामुळे हार्वेस्टरद्वारे कापणी करण्यात अडचणी येत आहेत. परिणामी शेतकऱ्यांना मजुरांवर अवलंबून राहावे लागत आहे. .Labor Wages: झुनका गावात ठरले मजुरी दर अन् तास.यंदा सोयाबीन कापणीसाठी मजुरांकडून आकारला जाणारा दर मोठ्या प्रमाणावर वाढलेला आहे. कुठे एक बॅग बियाण्याच्या लागवडीवर ३२०० ते ३४०० रुपये तर काही ठिकाणी एकराला ३५०० ते ३६०० रुपये इतका दर आकारला जात आहे. या दरामध्ये कापणी, गंजी लावून देण्याचा समावेश आहे. गेल्यावर्षी २५०० ते ३००० पर्यंत हा एकरी खर्च होता. मळणी व वाहतुकीचा खर्च वेगळा करावा लागत आहे..दरम्यान, सततच्या पावसामुळे सोयाबीनमध्ये आर्द्रतेचे प्रमाण अधिक आहे. त्यामुळे बाजारपेठेत सोयाबीन ३००० रुपयांपासून विक्री होत आहे. यंदा पावसाने पिकांचे मोठ्या प्रमाणावर नुकसान केल्याने अपेक्षित उत्पादन न मिळाल्याचे शेतकऱ्यांचे म्हणणे आहे. शिवाय मालाचा दर्जाही घसरला आहे. .Soybean MSP: सोयाबीन आधारभूत किमतीने खरेदी करा.एकरी उत्पादकता तीन ते पाच क्विंटलपर्यंत मर्यादित राहत असल्याचे प्राथमिक चित्र दिसत आहे.सोयाबीन काढणीच्या हंगामात मजुरी वाढल्यामुळे शेतकऱ्यांना अतिरिक्त खर्च करावा लागत असून उत्पादकता कमी झाल्याने आर्थिक गणित जुळवणे कठीण होत आहे. शेतकरी विक्रीकडे वळले असून बाजारपेठेत सोयाबीनची आवक वाढण्यास सुरुवात झाली आहे..वाढलेला मजुरी दरयंदा मजुरीत मोठी वाढप्रति बॅग: ३२०० ते ३४००प्रति एकर: ३५०० ते ३६०० (कापणी + गंजी लावणे)गेल्या वर्षी खर्च: २५०० ते ३००० प्रति एकर..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
