Pune News: शासकीय हमीभाव खरेदी योजना २०२५-२६ अंतर्गत महाराष्ट्र राज्य कृषी पणन मंडळाने नारायणगाव (ता. जुन्नर) येथील उपबाजारात २९ नोव्हेंबर २०२५ रोजी सोयाबीन खरेदीसाठी नाफेड हमीभाव केंद्र सुरू केले. .५३ रुपये २८ पैसे प्रतिकिले या दराने सोयाबीनची खरेदी सुरू केली. मात्र, सद्यःस्थितीत सोयाबीनच्या बाजारभावात वाढ झाल्याने सोयाबीन विक्रीसाठी येथील ‘नाफेड’ हमीभाव केंद्राकडे शेतकऱ्यांनी पाठ फिरवली आहे..Soybean Farmer Issue: सोयाबीन उत्पादकांचे नुकसान होणार : जयराम रमेश.नोव्हेंबर महिन्यात खासगी व्यापाऱ्यांकडून सोयाबीनची खरेदी प्रतवारीनुसार प्रतिकिलो ३५ ते ४५ रुपये या भावाने केली जात होती. सोयाबीनला हमीभाव मिळावा, या उद्देशाने बाजार समितीने नारायणगाव उपबाजारात २९ नोव्हेंबर २०२५ रोजी नाफेड हमीभाव केंद्र सुरू केले. त्यामुळे सोयाबीनला प्रतिकिलो ५३ रुपये २८ पैसे, असा भाव मिळाला..Soybean Procurement: बारा लाख टन सोयाबीन खरेदीचे आव्हान.हमीभाव केंद्रामुळे सोयाबीनला प्रतिकिलो सुमारे दहा रुपये जास्त बाजारभाव मिळाल्याने मागील दोन महिने येथील केंद्रात सोयाबीन विक्रीसाठी शेतकऱ्यांचा चांगला प्रतिसाद मिळाला. १५ फेब्रुवारी २०२६पर्यंत खरेदी केंद्र सुरू ठेवण्यात येणार असल्याची माहिती बाजार समितीच्या वतीने सचिव रुपेश कवडे, उपसचिव शरद घोंगडे यांनी दिली आहे. मात्र, सद्यःस्थितीत सोयाबीनच्या बाजारभावात वाढ झाली आहे..नारायणगाव उपबाजारातील नाफेड हमीभाव केंद्रात मागील दोन महिन्यात ५३४.२५ टन (१० हजार ६८५ गोणी) सोयाबीनची खरेदी झाली आहे. सोयाबीन खरेदीतून २ कोटी ८४ लाख ६ हजार ४८४ रुपयांची उलाढाल झाली आहे. मात्र, सद्यःस्थितीत नाफेड हमीभाव केंद्राच्या बाजारभावाच्या तुलनेत सोयाबीनच्या बाजारभावात वाढ झाली आहे. त्यामुळे सोयाबीन विक्रीसाठी शेतकऱ्यांचा कल खासगी व्यापाऱ्यांकडे वाढला आहे.संजय काळे, सभापती, कृषी उत्पन्न बाजार समिती, जुन्नर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
