Rain Shortage Khandesh: खानदेशात सोयाबीनची पेरणी यंदा काहीशी वाढली आहे. सुमारे ३९ हजार हेक्टरवर सोयाबीनची पेरणी झाली आहे. त्यापैकी एकट्या जळगाव जिल्ह्यात सुमारे २७ हजार हेक्टरवर पेरणी झाल्याची माहिती आहे. सध्या सोयाबीनला पावसाची नितांत गरज आहे. धुळे व नंदुरबार जिल्ह्यांत सोयाबीनची पेरणी कमी असते. या भागात शेतकऱ्यांनी सोयाबीनऐवजी मका, कापूस आदी पिकांना पसंती दिली आहे. .यंदा सोयाबीनचे उत्पादन वाढेल, अशी अपेक्षा होती. कारण पेरणीनंतर लागलीच पाऊस झाल्याने पेरणी यशस्वी झाली. मात्र, सध्या फुलधारणेच्या कालावधीत पावसाने दडी मारली आहे. रोज ऊन पडत असून, सर्वत्र पावसाची प्रतीक्षा आहे. पाऊस झाल्यास सोयाबीनचे उत्पादन स्थिर राहील किंवा बऱ्यापैकी मिळेल, अशी अपेक्षा आहे..Farm Irrigation: पावसाच्या दडीमुळे पिकांना तुषार सिंचनाचा आधार.जळगाव जिल्ह्यात सोयाबीनची पेरणी मागील महिन्यातच बऱ्यापैकी झाली आहे. त्यात कमी कालावधीत येणाऱ्या वाणांना पसंती देण्यात आली आहे. काही शेतकऱ्यांनी तुषार सिंचन, ठिबकच्या माध्यमातून सोयाबीनला पाणी देण्याची व्यवस्था केली आहे. कापूस पीक नुकसानकारक ठरत असल्याने अनेक शेतकऱ्यांनी सोयाबीनची पेरणी केली..Kharif Sowing: गतवर्षी जादा पाऊस, यंदा कमालीची ओढ.धुळे व नंदुरबार जिल्ह्यांत सोयाबीनची पेरणी स्थिर आहे. या दोन्ही जिल्ह्यांत मिळून सुमारे १५ हजार हेक्टरवर सोयाबीनचे पीक आहे. जळगाव जिल्ह्यात सोयाबीनची पेरणी १८ हजार हेक्टरवर अपेक्षित होती. मात्र, प्रत्यक्षात पेरणी क्षेत्र वाढले आहे. पेरणीनंतर पाऊस झाल्याने पेरणी यशस्वी झाली. दुबार पेरणीची वेळ आली नाही. मात्र, पीक ऐन वाढीच्या अवस्थेत असतानाच पावसाने दडी मारली..पीक दोन महिन्यांचेसोयाबीनची पेरणी गिरणा, तापी, वाघूर नदीच्या क्षेत्रात झाली आहे. जळगाव जिल्ह्यात रावेर भागात सोयाबीनचे क्षेत्र कमी आहे. मात्र, यावल, चोपडा, पाचोरा, जामनेर, भडगाव, चाळीसगाव, धरणगाव, जळगाव, अमळनेर तसेच धुळे जिल्ह्यातील शिरपूर आणि नंदुरबार जिल्ह्यातील शहादा, तळोदा भागात सोयाबीनची लागवड झाली आहे. अनेक शेतकऱ्यांचे सोयाबीन पीक ५५ ते ६० दिवसांचे झाले आहे..काही ठिकाणी पीक दोन फूट उंचीचे झाले आहे. सुरुवातीला अनेक शेतकऱ्यांचे पीक बऱ्यापैकी दिसत होते. मात्र, सध्या पावसाची आवश्यकता आहे. पिकाला दोन वेळा रासायनिक खत देण्यात आले असून, दोन वेळा आंतरमशागत करण्यात आली आहे. अनेक शेतकऱ्यांनी दोन वेळा फवारणीही केली आहे. काळ्या कसदार जमिनीतील पीक चांगले आहे. मात्र, पावसाअभावी त्यात फुलगळ होत आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
