Latur News : जिल्ह्यात सध्यस्थितीत सोयाबीन पिकावर कीड व बुरशीजन्य रोगांचा मोठ्या प्रमाणावर प्रादुर्भाव झाल्याचे मांजरा कृषी विज्ञान केंद्राच्या शास्त्रज्ञाच्या चमू द्वारे औसा, रेणापूर, लातूर, निलंगा तालुक्यातील विविध गावातील सोयबीन क्षेत्र भेटीदरम्यान निदर्शनास आले. जिल्ह्यात खरीप हंगामा सर्वाधिक क्षेत्रावर सोयाबीनची पेरणी केली असून पिके भरगच्च स्थितीत उभे आहेत. .काही दिवसांपासून सततच्या पावसाळी व ढगाळ हवामानामुळे आणि वाढलेल्या आर्द्रतेमुळे कीड व रोगांनी पिकाला ग्रासल्याचे चित्र दिसून येत असून कीड व रोग नियंत्रणासाठी फवारणी करावी, असे आवाहन केंद्राने केले आहे..Soybean Disease: सोयाबीन पिवळे पडण्यामागील कारणे, उपाययोजना.शेंगा व फुलांवर अळीचा प्रादुर्भाव वाढला असून खोड माशी, चक्रीभुंगा व हिरवी पाटे अळीचा मोठ्या प्रमाणावर प्रादुर्भाव आढळून येत आहेत. या किडी पानांचे व शेंगांचे नुकसान करत असल्याने उत्पादनावर गंभीर परिणाम होण्याची शक्यता आहे. .त्याचबरोबर या हवामानामुळे सखल व पाणी साचून राहणाऱ्या क्षेत्रावर बुरशीजन्य (अँथ्राक्नोज ) करपा या रोगांचा प्रादुर्भाव शेंगा, कळी, फुले, खोडावर झपाट्याने वाढला आहे. शेंगांवर काळे डाग पडून शेंगा चोपट होणे व गळणे व पाने पिवळी पडून पानगळ होणे अशी लक्षणे जिल्ह्यातील अनेक भागात दिसत आहेत..Soybean Crop Disease: सोयाबीन पिकावरील खोडमाशी व्यवस्थापन .मांजरा कृषी विज्ञान केंद्र, लातूर येथील विषय विशेषज्ञ (पिक संरक्षण) प्रा. संदीप देशमुख यांनी सांगितले की, पिकात अँब्राक्नोज करपा या रोगांचा प्रादुर्भाव मोठ्या प्रमाणावर दिसत असून, पुढील दोन ते तीन दिवसांच्या पावसाच्या उघडिपीच्या कालावधीत शेतकऱ्यांनी तातडीने फवारणी करून रोग नियंत्रणाची उपाययोजना करणे अत्यंत गरजेचे आहे. .कारण ऑगस्टच्या शेवटच्या आठवड्या पासून पुन्हा मोठ्या पावसाची शक्यता असून त्या दरम्यान कीड व रोगांचा उद्रेक अधिक तीव्र होण्याची दाट शक्यता असून शेतकऱ्यांनी कीड व रोगनियंत्रणासाठी खालील फवारणी करावी. .ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
