Parbhani News: चालू रब्बी हंगामामध्ये शुक्रवार (ता. १९)पर्यंत परभणी आणि हिंगोली जिल्ह्यांत ज्वारीची ९७ हजार ५२ हेक्टरवर पेरणी झाली. त्यात परभणी जिल्ह्यात ८३ हजार ७६३ हेक्टर (८५.९४ टक्के), तर हिंगोली जिल्ह्यात १३ हजार २८९ हेक्टर (१३८.८९ टक्के) पेरा झाला आहे..परभणी जिल्ह्यात शुक्रवार (ता. १९) पर्यंत एकूण रब्बीचे सरासरी क्षेत्र २ लाख ७० हजार ९७७ हेक्टर असताना २ लाख ७९ हजार ६२८ हेक्टरवर (१०३.१९ टक्के) पेरणी झाली आहे. त्यात ज्वारीची ९७ हजार ४६४ पैकी ८३ हजार ७६३ हेक्टर (८५.९४ टक्के), गव्हाची ३४ हजार ९३४ पैकी २८ हजार ७७२ हेक्टर (८२.३६ टक्के), मक्याची १ हजार ५०२ पैकी ४०० हेक्टर (२६.६५ टक्के) पेरणी झाली..हरभऱ्याचे सर्वसाधारण क्षेत्र १ लाख ३४ हजार ८४१ असताना १ लाख ६५ हजार ८६० हेक्टर (१२३ टक्के) पेरणी झाली. करडईची १ हजार ६०२ पैकी ६७४ हेक्टर (४२.०५ टक्के) पेरणी झाली आहे..जिल्ह्यात एकूण तृणधान्यांची १ लाख ३४ हजार १४१ पैकी १ लाख १३ हजार २४ हेक्टर( ८४.२६ टक्के), कडधान्यांचे सरासरी क्षेत्र १ लाख ३५ हजार १९ असतांना १ लाख ६५ हजार ८९० हेक्टर (१२२.८६ टक्के), अन्नधान्यांचे सरासरी क्षेत्र २ लाख ६९ हजार १६१ असतांना २ लाख ७८ हजार ९१४ हेक्टर (१०३.६२ टक्के) पेरणी झाली..Rabi Jowar Sowing: अतिवृष्टीमुळे ज्वारी पेरणीला जमीन प्रतिकूल; शेतकरी हरभरा आणि गव्हाकडे वळले.हिंगोली जिल्ह्यात रब्बीचे सर्वसाधारण क्षेत्र १ लाख ६९ हजार २२० असतांना १ लाख ७५ हजार १६८ हेक्टरवर (१०३.५१ टक्के) पेरणी झाली आहे. त्यात ज्वारीचे सर्वसाधारण क्षेत्र ९ हजार ५६७ असतांना १३ हजार २८९ हेक्टर (१३८.८९ टक्के) पेरणी झाली..Rabi Jowar Pest: ज्वारी पिकात मावा किड वाढतेय? एकात्मिक उपाय करा!.गव्हाची ३३ हजार ४६९ पैकी ३१ हजार ३६७ हेक्टर (९३.७२ टक्के), मक्याची ८६७ पैकी ३७८ हेक्टर (४३.५५ टक्के) पेरणी झाली. हरभऱ्याचे सर्वसाधारण क्षेत्र १ लाख २१ हजार ६२ असतांना १ लाख २८ हजार ४०८हेक्टर (१०५.९३ टक्के) पेरणी झाली..करडईची २ हजार ५२ पैकी १ हजार २८१ हेक्टर (६२.४० टक्के), तर सूर्यफुलाची ८१ हेक्टरवर पेरणी झाली. जिल्ह्यात एकूण तृणधान्यांचे सरासरी क्षेत्र ४४ हजार ५२९ असताना ४५ हजार१५४ हेक्टर (१०१.४० टक्के), कडधान्यांचे सरासरी क्षेत्र १ लाख २१ हजार ३३७ असतांना १ लाख २८ हजार ५३५ हेक्टर (१०५.९४ टक्के), अन्नधान्यांचे सरासरी क्षेत्र १ लाख ६५ हजार ८६६ असताना १ लाख ७३ हजार ६८९ हेक्टर) पेरणी झाली, असल्याचे कृषी विभागाच्या सूत्रांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
