Buldana News: पणन विभागाने किमान आधारभूत किंमत योजनेअंतर्गत जिल्ह्यात केलेल्या सुमारे सव्वा पाच लाख क्विंटलपेक्षा अधिक ज्वारीच्या खरेदीवर प्रश्नचिन्ह उभे ठाकले आहे. ही ज्वारी खराब असल्याच्या वस्तुस्थितीकडे इतर जिल्ह्यांनी लक्ष वेधले आहे..याबाबत मिळालेल्या माहितीनुसार, जिल्ह्यात २ मे ते ३० सप्टेंबर २०२५ या काळात ज्वारी खरेदी करण्यात आली आहे. विविध केंद्रांवर ५ लाख २५ हजार ३२९ क्विंटल ज्वारी खरेदी झालेली असून ती शासकीय गोदामांत ठेवण्यात आली आहे. ही ज्वारी पुरवठा विभागामार्फत वितरित करण्यात येत आहे. सोलापूर, अहिल्यानगर, पुणे या जिल्ह्यांच्या पुरवठा अधिकाऱ्यांनी थेट जिल्हा प्रशासनाला पत्र देत बुलडाणा जिल्ह्यातील ज्वारी ही निकृष्ट दर्जाची असून ती खराब असल्याचे म्हंटले आहे. या ज्वारीला कीड लागल्याचे त्यांनी स्पष्ट केले आहे..Tur Price: तुरीचे दर दबावात; तसेच काय आहेत आजचे ज्वारी, आले, कांदा, आणि टोमॅटोचे बाजारभाव.या तीनही जिल्ह्यांच्या जिल्हा पुरवठा कार्यालयांकडून झालेल्या अधिकृत पत्र व्यवहारातून पुढील सूत्रे हलली व येथील ज्वारी निकृष्ट, कीड लागलेली व खराब असल्याची चर्चा होऊ लागली. वास्तविक खरेदी, तसेच साठवणुकीच्या ठिकाणी दर्जा तपासूनच माल घेतला जातो. .Rabi Jowar Sowing: पुणे विभागात अवघी ४२ टक्के ज्वारी पेरणी.असे असताना ज्वारी खराब होण्याबाबत प्रश्नचिन्ह उभे होत आहे. खरेदी करतानाच दुर्लक्ष केले गेले की गोदामात कीड लागली, हे अद्याप स्पष्ट झालेले नाही. सव्वापाच लाख क्विंटलपैकी किती ज्वारीला कीड लागली, हे तपासणीतून पुढे येईल..ज्वारी बदलून द्या...शासकीय खरेदी प्रक्रिया राबवताना संबंधितांकडून प्रमाणपत्र घेतले जाते. त्यानुसार अभिकर्ता संस्थांमार्फत खरेदी केलेली ज्वारी खराब असल्यास किंवा ज्वारीत तूट आल्यास ज्वारी बदलून देऊ, असे स्पष्ट केलेले असते. त्यामुळे सध्या गोदामात असलेली खराब ज्वारी तात्काळ बदलून द्यावी. तसेच, जिल्ह्यात इतर सर्व गोदामांत साठवलेल्या ज्वारीबाबतचा अहवाल तात्काळ सादर करावा, असे निर्देश यंत्रणांना देण्यात आले आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
