Jalgaon News: खानदेशात रब्बी हंगामात ज्वारीची पेरणी काहीशी स्थिर आहे. परंतु तापी, अनेर, पांझरा, गिरणा आदी नद्यांच्या क्षेत्रातील मोठ्या क्षेत्रातील कोरडवाहू दादर ज्वारी पीक निसवले आहे. कोरडवाहू दादर ज्वारीही जोमात असून, कोवळ्या दाणे पक्षी खात असल्याने शेतकरी ज्वारी राखण्याच्या लगबगीत आहे. .खानदेशात यंदा सुमारे ४२ हजार हेक्टरवर ज्वारीची पेरणी झाली आहे. ही पेरणी मका पिकापेक्षा कमी आहे. पुढे चाऱ्याची समस्या तयार होईल, यासाठी ज्वारीच्या चाऱ्यासही मोठी मागणी राहील. यामुळे अनेकांनी ज्वारीची पेरणी केली आहे. कोरडवाहू दादर ज्वारीची पेरणी बऱ्यापैकी आहे. पेरणीत घट झालेली नाही. अनेक ठिकाणच्या शेतात रब्बी हंगामातील मुख्य ज्वारीचे पीक आता दुल्ल्यात आले आहे. तालुक्यातील बळिराजा या पिकाचे पाखरांपासून संरक्षण करण्यात व्यग्र आहे..Jowar Farming: सोलापूर जिल्ह्यात ज्वारीची फक्त ४४ टक्केच पेरणी.बांधावरून पाखरे हाकली जात आहेत. पाखरे हाकण्यासाठी वापरली जाणारी गोफण फारशी दिसत नसली तरी सध्या ती शेतकऱ्यांच्या हातात दिसत आहे. शेतशिवारात ‘सोन्याचं घुंगरू गोफणीला, ज्वारीचं पीक आलंय राखणीला’ असेच वातावरण आहे. पेरणी केलेल्या ज्वारी पिकाच्या कणसात दाणा भरू लागला असून पाखरे येऊ लागल्याने शेतकरी या पिकाची राखण करीत आहे. .Jowar Farming : दादर ज्वारी निसवू लागली.पूर्वी प्रत्येक गावाच्या आठवडा बाजारात गोफण विक्रीस येत होती, परंतु आता ती दुर्मीळ आली आहे. कारण ज्वारीचे पीक कमी झाले आहे. पर्यायाने गोफणीची मागणी कमी राहात आहे. त्यामुळे गोफणी मोठ्या प्रमाणात तयारदेखील केल्या जात नाहीत हे विशेष. जळगाव जिल्ह्यात चोपडा, जळगाव, अमळनेर, भडगाव, चाळीसगाव, पाचोरा या भागात ज्वारी पीक अधिक आहे. भडगावातील खेडगाव व लगत ज्वारीचे मोठे क्षेत्र आहे. धुळ्यात शिरपूर, शिंदखेडा व धुळे तालुक्यात ज्वारी पीक असून, नंदुरबारमध्ये शहादा, तळोदा, नंदुरबारमध्ये ज्वारी पेरणी बऱ्यापैकी झाली आहे..बागायती क्षेत्रात पेरा कमीअनेक मंडलांत कोरडवाहू दादर ज्वारीची पेरणी आहे. पण जेथे पाणी मुबलक आहे, कृत्रिम जलसाठे उपलब्ध आहेत. तेथे मका, गहू व अन्य पिके आहेत. बागायती क्षेत्रात कोरडवाहू दादर ज्वारी पीक कमी आहे. पण परंपरेनुसार खानदेशात अनेक शेतकरी कोरडवाहू दादर ज्वारी पेरतात. त्यासाठी दसरा सणालाच मशागत करून पेरणी करण्यावर भर असतो..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
