Rural Crime: दिवसा सूर्याच्या प्रकाशावर शेतीला पाणी देणारे सोलर पंप आता रात्रीच्या अंधारात चोरांचे सोपे लक्ष्य बनू लागले आहेत. गेवराई तालुक्यातील शिवारात सध्या चिंतेचे सावट पसरले असून, शेतकऱ्यांनी कष्टाने उभ्या केलेल्या सोलर यंत्रणेवर डल्ला मारण्याचे प्रमाण कमालीचे वाढले आहे. .शेतात पाणी खेळवण्यासाठी बसवलेले महागडे सोलर पंप, तांब्याच्या केबल्स आणि प्लेट्स गायब होत असल्यामुळे बळीराजा पुन्हा एकदा संकटाच्या चक्रव्यूहात अडकला आहे. पोलिसांच्या नोंदीत गुन्हे वाढत आहेत, पण प्रत्यक्षात मुद्देमाल परत मिळण्याचे प्रमाण शून्य असल्याने शेतकरी वर्गात तीव्र संताप व्यक्त होत आहे..Agricultural Pump Theft: भराडी-निरगुडसरला पाच शेतकऱ्यांच्या कृषिपंपांची चोरी.अलीकडेच ग्रामीण पोलिसांनी काही आंतरजिल्हा टोळ्यांवर कारवाई करत १७ लाखांचा मुद्देमाल जप्त केला आणि चार आरोपींना बेड्या ठोकल्या. या कारवाईमुळे काही काळ दिलासा मिळेल असे वाटले होते, मात्र स्थानिक पातळीवर चोऱ्यांचे सत्र थांबायला तयार नाही. कोळगाव येथे तर एकाच रात्री १० शेतकऱ्यांच्या सोलर पंपांच्या वायर कापून नेण्यात आल्या, ज्यामुळे सुमारे अडीच लाखांचे नुकसान झाले. चकलांबा, गेवराई आणि तलवाडा पोलिस ठाण्याच्या हद्दीत चोरीचा हा ग्राफ सातत्याने वर जात आहे..Agriculture Pump Cable Theft : भराडी बंधाऱ्यानजीक कृषिपंपाच्या विद्युत केबलची चोरी.शेतकऱ्यांची तहान अन् पोलिसांचे आवाहनसोलर पंप बसवल्यानंतर आम्हाला रात्रीच्या सिंचनातून मुक्ती मिळाली होती, पण आता चोरीच्या भीतीमुळे पुन्हा रात्री शेतात जावे लागत आहे. पोलीस केवळ गुन्हे दाखल करतात, पण आरोपी सापडत नाहीत, अशी उद्विग्न प्रतिक्रिया शेतकरी देत आहेत..सोलर पंप व केबल चोरीच्या घटनांचा आम्ही गांभीर्याने तपास करत आहोत. जालना जिल्ह्यातील टोळीचा आम्ही कसोशीने शोध घेत असून काही सक्रिय चोरटे सध्या जेलमध्ये आहेत. काही ठिकाणी हेतू तपासावे लागतात, तरीही संशयित टोळीच्या शोधासाठी आमचे पथक अहोरात्र काम करत आहे.- मनोज निलंगेकर, सहाय्यक पोलिस निरीक्षक, तलवाडा..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.