Solapur News: सोलापूर जिल्ह्यातील जिल्हा परिषदेच्या ४०० शाळा, ५८ प्राथमिक आरोग्य केंद्र, १३२ ग्रामपंचायत, पंचायत समिती आणि विश्रामगृहावर आता सोलर पॅनल बसविण्यात येणार आहे. त्यासाठी नियोजन समितीमधून अपारंपरिक ऊर्जा विकास कार्यक्रमातून २२ कोटी रुपयांचा निधी मंजूर केला आहे. याची निविदा प्रक्रिया पूर्ण झाली असून, तीन महिन्यांत शाळा, आरोग्य केंद्र व ग्रामपंचायतींना वीज मिळणार आहे. यामुळे वीज बिलाची समस्या सुटण्यास मदत होणार आहे..जिल्हा वार्षिक योजनेंतर्गत अपारंपरिक ऊर्जा विकास कार्यक्रमांतर्गत पालकमंत्री जयकुमार गोरे, मुख्य कार्यकारी अधिकारी कुलदीप जंगम यांनी २२ कोटींच्या कामास मंजुरी दिली आहे. जिल्हा परिषदेच्या ४०० शाळा, १३२ ग्रामपंचायती, ५८ प्राथमिक आरोग्य केंद्र, ९ पंचायत समित्या आणि ४ विश्रामगृहाच्या इमारतीवर सोलर पॅनल बसवण्यास मंजुरी दिली आहे. .Solar Panel : ‘निरी’चा यांत्रिक हात करणार सौर पॅनेलची स्वच्छता.निविदा प्रक्रियाही पूर्ण करण्यात आली असून तीन महिन्यात या सर्व शासकीय इमारतीवर सोलर पॅनल बसविण्यात येणार आहे. त्यामुळे या शासकीय इमारतींचे वीजबिल शून्यावर येण्यास मदत होणार आहे..solar panel : शेतकऱ्यांना एकरी मिळणार ३० हजारांचे वार्षिक भाडे.जिल्हा नियोजन समितीच्या निधीतून ऑनग्रीड सोलर योजना आहे. शासकीय इमारतींवर सोलर पॅनल बसविल्यानंतर ही वीज एमएससीबीला जोडण्यात येणार आहे. त्यामुळे शाळा, ग्रामपंचायत, प्राथमिक आरोग्य केंद, पंचायत समिती आणि विश्रामगृहाचे वीजबिलात बचत होणार आहे. .लहान शाळेवर दोन वॅट, मोठ्या शाळेवर पाच वॅट, ग्रामपंचायत इमारतीवर तीन वॅट, प्राथमिक आरोग्य केंद्रावर २५ वॅट क्षमतेचे सोलर युनिट बसवण्यात येणार आहे. सोलर पॅनलची निविदा प्रक्रिया पूर्ण झाले असून पुढील तीन महिन्यात हे काम पूर्ण होईल..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
