Solapur Politics: सोलापूर जिल्हा परिषदेच्या अध्यक्षपदी दीपक वैद्य यांची आणि उपाध्यक्षपदी इंद्रजित पवार यांची बिनविरोध निवड झाली आहे. इतिहासात पहिल्यांदाच भारतीय जनता पक्षाने स्पष्ट बहुमत मिळवत सत्ता मिळवली, पण अध्यक्षपदाची ही माळ कोणाच्या गळ्यात पडणार याची उत्सुकता होती. अखेरीस बुधवारी (ता.१८) पार पडलेल्या निवडणुकीत अध्यक्षपद बार्शी तालुक्याला, तर उपाध्यक्षपद उत्तर सोलापूरला मिळाले. .निवडणुकीपूर्वी सकाळी पालकमंत्री जयकुमार गोरे यांच्या उपस्थितीत भाजपच्या स्थानिक आमदारांची आणि नेत्यांची महत्त्वाची बैठक पार पडली. या बैठकीत दोन्ही नावांवर शिक्कामोर्तब झाल्यानंतर उमेदवारांनी जिल्हा परिषदेत येऊन आपले अर्ज दाखल केले..Zilla Parishad President: धाराशिव ‘झेडपी’ अध्यक्ष, सभापती निवडीचा मार्ग मोकळा.अध्यक्ष आणि उपाध्यक्ष पदासाठी उमेदवारी अर्ज दाखल करण्याची मुदत दुपारी १२ वाजेपर्यंत होती. या मुदतीत भाजपच्या वतीने दीपक वैद्य (अध्यक्षपद) आणि इंद्रजित पवार (उपाध्यक्षपद) यांचेच अर्ज प्राप्त झाले. दुपारी २ वाजता नवनिर्वाचित सदस्यांची सभा पार पडली, ज्यामध्ये निवडणूक निर्णय अधिकाऱ्यांनी या निवडीची अधिकृत घोषणा केली..Solapur Zilla Parishad: ‘झेडपी’ अध्यक्षपदासाठी बार्शीची सरशी.विरोधी पक्षाकडून एकही अर्ज दाखल न झाल्याने दुपारी झालेल्या विशेष बैठकीत या निवडीवर शिक्कामोर्तब करण्यात आले. त्यानंतर अधिकृत घोषणा झाल्यानंतर दोघांचाही सत्कार पालकमंत्री जयकुमार गोरे, आमदार सचिन कल्याणशेट्टी, माजी आमदार राजेंद्र राऊत, प्रशांत परिचारक, दीपक साळुंखे, जिल्हाध्यक्ष शशिकांत चव्हाण, प्रदेश सदस्य शहाजी पवार, यांच्यासह अन्य मान्यवरांनी केला..अध्यक्ष, उपाध्यक्षांचा परिचयदीपक वैद्य (अध्यक्ष): बार्शी तालुक्यातील ''उपळाई ठोंगे'' गटातून ते भाजपच्या तिकिटावर निवडून आले आहेत. ते माजी आमदार राजा राऊत यांचे समर्थक मानले जातात. बार्शी तालुक्याला जिल्हा परिषदेच्या इतिहासात पहिल्यांदाच अध्यक्षपद मिळाले आहे. तर इंद्रजित पवार (उपाध्यक्ष): उत्तर सोलापूरमधील ''बीबी दारफळ'' मतदारसंघातून त्यांनी विजय मिळवला आहे. त्यांनी ज्येष्ठ सदस्य काका साठे यांचा पराभव केला होता. इंद्रजित पवार हे भाजपचे माजी जिल्हाध्यक्ष शहाजी पवार यांचे धाकटे बंधू आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
