Solapur News: सोलापूर जिल्ह्यातील साखर कारखानदारांनी शेतकऱ्यांच्या घामाचे दाम थकवल्याने प्रशासनाने आता कडक पाऊले उचलण्यास सुरुवात केली आहे. उसाची रक्कम न देणाऱ्या २७ कारखान्यांपैकी, ६० टक्क्यांहून अधिक थकबाकी असलेल्या सहा प्रमुख कारखान्यांवरील कारवाईची सुनावणी पुणे येथील साखर आयुक्त कार्यालयात पूर्ण झाली आहे. या कारखान्यांवर आता महसूल विभागामार्फत जप्तीची कारवाई प्रस्तावित करण्यात आली आहे..जिल्ह्यातील २७ कारखान्यांकडे शेतकऱ्यांचे ५१३ कोटी १७ लाख रुपये थकले आहेत. पुणे येथे साखर आयुक्तांसमोर सहा कारखान्यांची सुनावणी पार पडली. प्रादेशिक साखर संचालक कार्यालयाने या कारखान्यांवर एफआरपी कायद्यानुसार वसुलीसाठी जप्तीच्या कारवाईचा प्रस्ताव दिला आहे..Action on Sugar Factory : चार साखर कारखान्यांवर मालमत्ता जप्तीची कारवाई.या ६ साखर कारखान्यामध्ये सिद्धेश्वर सहकारी साखर कारखाना (कुमठे), जकराया शुगर (वटवटे), लोकमंगल शुगर (बीबीदारफळ), वृंदावन शुगरस (इंद्रेश्वर-बार्शी), भैरवनाथ शुगर (लवंगी) आणि भीमा सहकारी साखर कारखाना (टाकळीसिकंदर) या कारखान्यांचा समावेश आहे..Sugar Factory Protest: शरद कारखान्यावर दगडफेक, भेंडवडे ग्रामस्थांचा धडक मोर्चा, वारणा नदीत मळीमिश्रित पाणी सोडल्याचा आरोप.जिल्ह्यात एकूण ३४ कारखान्यांनी गाळप केले असून, त्यापैकी ३३ कारखान्यांनी आपली माहिती प्रशासनाला सादर केली आहे,.(धोत्री येथील गोकूळ शुगरने माहिती दिलेली नाही). ऊस हंगाम संपूनही पैसे मिळत नसल्याने शेतकरी संघटनांनी आक्रमक पवित्रा घेतला होता. त्यानंतरच प्रशासनाने ही सुनावणी आणि कारवाईची प्रक्रिया सुरु केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
