Rural Water Supply: पाणीटंचाईवर प्रभावीपणे मात करण्यासाठी आणि उपलब्ध जलस्रोतांचा अधिकाधिक वापर करण्यासाठी सार्वजनिक विहिरींची पाहणी करावी. तसेच तेथे ‘आडवे बोअर’ घेणे आणि विहिरींचे खोलीकरण करणे शक्य आहे का, याची तांत्रिक तपासणी करून तातडीने अहवाल सादर करण्याचे निर्देश जिल्हा परिषदेचे अध्यक्ष दीपक वैद्य यांनी दिले आहेत..बुधवारी (ता. १९) झालेल्या जल व्यवस्थापन व स्वच्छता समितीच्या बैठकीत जिल्ह्यातील पाणीपुरवठा, जलसंधारण, पाणीटंचाई, स्वच्छता आणि कृषी विभागाचा सविस्तर आढावा घेण्यात आला. सार्वजनिक विहिरींचे पुनरुज्जीवन करण्याच्यादृष्टीने विहिरींची खोली, सद्यःस्थिती आणि जलधारण क्षमता तपासून अतिरिक्त पाणी उपलब्धतेसाठी खोलीकरण किंवा आडवे बोअर मारण्याबाबत तांत्रिक अभ्यास करण्याचे आदेश देण्यात आले. .Palghar Flood Control: पालघर जिल्ह्याला संभाव्य पूरस्थितीचा धोका; नियंत्रणासाठी सरकारचा महत्त्वाचा निर्णय .महाराष्ट्र जीवन प्राधिकरणाच्या प्रलंबित व अपूर्ण पाणीपुरवठा योजना तातडीने पूर्ण करण्याचे निर्देश दिले गेले. तसेच टँकरद्वारे पाणीपुरवठा व टंचाईग्रस्त गावांच्या स्थितीचा आढावा घेण्यात आला. त्याशिवाय वैयक्तिक व सार्वजनिक शौचालये, घनकचरा आणि सांडपाणी व्यवस्थापन अधिक प्रभावी करण्याच्या सूचना देण्यात आल्या..Water Conservation: अतिरिक्त पाणी वाहून जाऊ देऊ नका : पालकमंत्री गुलाबराव पाटील.मध्यम व लघु प्रकल्पांतील पाणीसाठ्याचे नियोजन, शेततळे योजना आणि जलसंधारणाच्या माध्यमातून सिंचन क्षमता वाढवण्याबाबत चर्चा झाली..पाणीटंचाईच्या काळात उपलब्ध जलस्रोतांचा प्रभावी वापर होणे आवश्यक आहे. सार्वजनिक विहिरींची पाहणी करून आडवे बोअर किंवा खोलीकरणाचा तांत्रिक अहवाल तातडीने सादर करावा. सर्व विभागांनी समन्वयाने काम करून नागरिकांना पिण्याचे पाणी व स्वच्छतेच्या सुविधा वेळेत उपलब्ध करून द्याव्यात.-दीपक वैद्य, अध्यक्ष, जिल्हा परिषद, सोलापूर.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
