Solapur News: शहरातील गड्डा यात्रा आणि महापालिका निवडणुकीसाठी गुरुवारी होणाऱ्या मतदानामुळे सोलापूरचा कांदा बाजार रविवार ते गुरुवार (ता. १६) पर्यंत बंद राहणार आहे. मोठ्या कालावधीसाठी बाजार बंद असल्यामुळे सुट्टीनंतर मोठ्या प्रमाणात बाजारात आवक होणार आहे. .पाठीमागचा अनुभव पाहता सुट्टीनंतर बाजार सुरू करताना प्रशासनाने उपाययोजना करण्याची गरज आहे, अन्यथा शेतकऱ्यांची मोठ्या प्रमाणात लूट होण्याची शक्यता आहे. सोलापूर शहराचे ग्रामदैवत असणाऱ्या सिद्धरामेश्वरांच्या यात्रेनिमित्त होणाऱ्या धार्मिक कार्यक्रमामुळे दरवर्षी कांदा बाजार बंद ठेवला जातो. .Onion Market Rate: जाणून घ्या; आजचे सोयाबीन, कापूस, कांदा, टोमॅटो आणि कारलीचे बाजारभाव.यावर्षी या यात्रेसोबतच सोलापूर महापालिकेच्या निवडणूक सुरू आहेत. यामुळे प्रशासनाने या दिवशी शहरातील सर्व आस्थापनांना सुट्टी देण्याचे आदेश दिले आहे. त्यामुळे रविवारपासून गुरुवारपर्यंत पाच दिवस सलग कांदा बाजार बंद राहणार आहे..Onion Market Price: कांदा आवक स्थिरावली; तसेच काय आहेत सोयाबीन, मका, आले आणि हळदीचे आजचे बाजारभाव? .गेल्या दोन वर्षाचा अनुभव पाहता बाजार बंद चा कालावधी वाढल्यास सुट्टीनंतर बाजारात फार मोठी कांद्याची आवक होते. काही वेळा ही आवक एक हजार मालगाड्यांपर्यंत पोहोचली आहे. अशावेळी देशांतर्गत दर स्थिर असतानाही सोलापूर कृषी उत्पन्न बाजार समितीत मात्र व्यापारी दर पाडतात. परिणामी कांदा बाजारात शेतकऱ्यांचा आक्रोश वाढतो व परिस्थिती आणीबाणीची होते. यामुळे याबाबत बाजार समिती प्रशासनाने पूर्व उपाययोजना केल्यास परिस्थिती गंभीर होणार नाही..शनिवारी कांदा बाजार राहिला स्थिरसोलापूर कृषी उत्पन्न बाजार समितीमध्ये शनिवारी ६८१ मालट्रक इतकी मोठी कांद्याची आवक झाली. बाजारात दाखल झालेल्या ६८ हजार १६७ क्विंटल कांद्याला सरासरी १ हजार रुपये प्रति क्विंटल तर कमाल २३०० प्रतिक्विंटल इतका दर मिळाला..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
