Sugarcane Harvester Loan Waiver Scam: ऊसतोडणी यंत्रावरील थकीत कर्ज शासकीय योजनेतून माफ करून देण्याचे आमिष दाखवून एका शेतकऱ्याची १२ लाख रुपयांची फसवणूक केल्याचा प्रकार सोलापुरात उघडकीस आला आहे. या प्रकरणी दक्षिण सोलापूर तालुक्यातील इंगळगी येथील रियाज इलाही शेख (वय ३३) यांनी शुक्रवारी (ता. ३) फौजदार चावडी पोलिस ठाण्यात तक्रार दाखल केली..त्यांच्या तक्रारीवरून पोलिसांनी कृष्णा शंकर दोड्डमणी (रा. आंबेगाव खुर्द, पुणे) आणि लक्ष्मण अण्णाप्पा पुजारी (रा. मुंबई) यांच्याविरुद्ध फसवणुकीचा गुन्हा दाखल केला आहे..National Food Security Mission Scam : राजकुमार मोरे यांच्याविरोधात विभागीय चौकशीची नोटिस; अन्य अधिकाऱ्यांविरोधातही कारवाई प्रक्रिया सुरू.पोलिसांनी दिलेल्या माहितीनुसार, शेख यांनी कृषी विभागाच्या योजनेतून ऊस तोडणी यंत्र खरेदी केले होते. या यंत्रावरील काही कर्ज थकीत होते. ते कर्ज शासकीय योजनेत समाविष्ट करून पूर्णपणे माफ करून देण्याचे आश्वासन संशयितांनी दिले..Cotton Bales Fraud: सीसीआयच्या गोदामातून ४५ कापूस गाठींचा अपहार.१५ सप्टेंबर २०२५ ते २५ फेब्रुवारी २०२६ या कालावधीत संशयितांनी शेख यांना सोलापूर शहरातील एका हॉटेलमध्ये अनेकदा बोलावून कर्जमाफीच्या प्रक्रियेच्या नावाखाली टप्प्याटप्प्याने १२ लाख रुपये घेतल्याचा आरोप आहे..मात्र त्यानंतर कर्जमाफी झाली नाही किंवा घेतलेली रक्कमही परत करण्यात आली नाही. फसवणूक झाल्याचे लक्षात आल्यानंतर शेख यांनी पोलिसांत तक्रार दाखल केली.या प्रकरणाचा पुढील तपास सहायक पोलिस निरीक्षक अजित पाटील करत आहेत..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
