प्रमोद बोडकेCooperative Banking: सोलापूर जिल्ह्याची आर्थिक वाहिनी म्हणून ओळख असलेल्या सोलापूर जिल्हा मध्यवर्ती सहकारी बँकेने ३१ मार्च २०२६ अखेर जबरदस्त कमबॅक केले आहे. प्रशासक कुंदन भोळे व त्यांच्या संपूर्ण टीमने केलेल्या कष्टामुळे बँकेने १० हजार कोटी रुपयांच्या मिश्र व्यवसायाचा टप्पा ओलांडला आहे. बँकेला जवळपास २५० कोटी रुपयांचा नफा झाला आहे. संचालक मंडळ बरखास्त करून २०१८ मध्ये बँकेवर प्रशासकांची नियुक्ती करण्यात आली आहे. प्रशासकांच्या काळात बँकेने दमदार कामगिरी केल्याचे मार्च अखेरच्या आकड्यांवरून दिसत आहे..संचालक मंडळ बरखास्त करून बँकेवर प्रशासक नियुक्त केल्यानंतर बँक टिकेल की संपेल? याबद्दल कमालीची साशंकता होती. प्रशासक म्हणून सुरवातीच्या काळात शैलेश कोतमिरे व त्यानंतर ते आजतागायत कुंदन भोळे यांच्या नियोजनामुळे बँक पुन्हा एकदा भक्कमपणे उभा राहताना दिसत आहे. बँकेवर ज्या वेळी प्रशासक आले, त्यावेळी २०१८ मध्ये बँकेकडे १ हजार २१६ एवढे कर्मचारी होते. .Solapur DCC Bank : सोलापूर जिल्हा बँकेच्या आर्थिक स्थितीत सुधारणा.सध्या बँकेकडे फक्त ७७७ एवढेच कर्मचारी आहेत. कमी कर्मचाऱ्यांमध्ये दमदार कामगिरी बँकेने केली आहे. बँकेचे शेअर कॅपिटल १८९ कोटी रुपयांवरून २४३ कोटी रुपयांवर गेले आहे. बँकेच्या ठेवीतही भरघोस वाढ झाली असून, २३३० कोटी रुपयांवरून बँकेच्या ठेवी ५ हजार ७५७ कोटी रुपयांवर गेल्या आहेत..बँकेवर ज्यावेळी प्रशासकांची नियुक्ती केली होती, त्यावेळी बँकेचा मिश्र व्यवसाय ४ हजार ५४५ कोटी रुपये होता. त्या काळात बँकेकडे संशयाने पाहिले जात होते. आता बँकेचा मिश्र व्यवसाय १० हजार कोटींच्या पुढे गेल्याने व्यवहारात/बाजारात डीसीसी बँकेने पुन्हा एकदा विश्वासार्हता मिळविल्याचे दिसत आहे. बँकेचा सीआरएआर किमान ९ टक्के असणे आवश्यक आहे. .Solapur DCC Bank : संचालकांच्या अपिलावर चार आठवड्यात निर्णय घ्या.सोलापूर जिल्हा मध्यवर्ती सहकारी बँकेचा मार्च अखेरचा सीआरएआर १३ टक्के आहे. २०१८-१९ मध्ये सीआरएआर ६ टक्क्यांवर गेला होता. बँकेची गुंतवणूकही वाढली आहे. मार्च अखेर २ हजार ७९ कोटी रुपयांची गुंतवणूक झाली आहे, त्यातील १६०० कोटी रुपये शासकीय रोख्यात गुंतविले आहेत. सोलापूर जिल्हा बँकेने पुन्हा एकदा जोरदार कमबॅक केल्याने जिल्ह्याची अस्मिता पुन्हा एकदा टिकली आहे..आकडे बोलतात(कंसातील आकडे २०१७-१८ मधील आहेत)बँकेच्या एकूण शाखा : २०८ (२१३)बँकेचे कार्यरत एकूण कर्मचारी : ७७७ (१२१६)बँकेचे शेअर कॅपिटल : २४३ कोटी रुपये (१८९ कोटी)एकूण ठेवी : ५ हजार ७५७ कोटी रुपये (२ हजार ३३० कोटी रुपये)एकूण गुंतवणूक : २ हजार ७९ कोटी रुपये (८४४ कोटी रुपये)एकूण कर्ज येणे बाकी : ४ हजार ४७३ कोटी रुपये (२ हजार २१४ कोटी)एकूण व्यवसाय : ४ हजार ५४५ कोटी रुपये (१० हजार २३० कोटी रुपये)नफा : ८९ कोटी रुपये (२५० कोटी रुपये)सीआरएआर : १३ टक्के (११.५६ टक्के).ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
