Solapur Crop Insurance Payout Issue: सोलापूर जिल्ह्यातून विमा कंपनीने केंद्र, राज्य आणि शेतकरी हिस्सा मिळवून तब्बल १५१ कोटी रुपये गोळा केले, मात्र परतावा देताना केवळ २५ कोटी ६४ लाखांवर बोळवण करण्यात आली आहे. विशेष म्हणजे, जिल्ह्यातील सोयाबीन, कांदा आणि तूर उत्पादक शेतकरी अद्यापही भरपाईच्या प्रतीक्षेत असून, नव्या जाचक निकषांमुळे ‘शेतकरी उपाशी आणि कंपनी तुपाशी’ अशी परिस्थिती निर्माण झाली आहे..गेल्या खरीप हंगामात जिल्ह्यातील ३ लाख ३१ हजार शेतकऱ्यांनी पीकविमा उतरवला होता. त्यात शेतकऱ्यांनी भरलेला हिस्सा १८ कोटींहून अधिक आहे. तर एकूण जमा प्रिमियम (सरकारसह) रक्कम १५१ कोटी ७५ लाख इतकी आहे. पण प्रत्यक्षात आता मंजूर झालेली भरपाई २५ कोटी ६४ लाख (केवळ १६ टक्के) आहे..Crop Insurance: सरकारने जाहीर केलेल्या पॅकेजनुसार शेतकऱ्यांना पीकविमा द्यावा.मागच्यावर्षी जिल्ह्यात सप्टेंबरमध्ये झालेल्या अतिवृष्टीमुळे सव्वा लाख हेक्टरवरील पिकांचे नुकसान झाले होते. मात्र, पहिल्या टप्प्यात केवळ माढा, अक्कलकोट, बार्शी, माळशिरस व करमाळा या पाच तालुक्यांतील मूग, भुईमूग, मका व बाजरी या पिकांसाठीच मदत जाहीर झाली आहे..Soybean Crop Insurance: सोयाबीनचा ४५ कोटींचा विमा मंजूर.सोयाबीनसाठी संपूर्ण जिल्ह्यातून केवळ एकच मंडळ पात्र ठरल्याचे धक्कादायक वास्तव समोर येत आहे. नैसर्गिक आपत्ती, कीड-रोग आणि काढणीनंतरचे नुकसान हे जुने निकष सरकारने वगळले असून, आता केवळ ‘पीक कापणी प्रयोग’ हाच एक निकष ठेवला आहे. यामुळे दीड लाख नुकसानग्रस्त शेतकऱ्यांचे दावे निकषांच्या कात्रीत अडकले आहेत..नव्या धोरणाचा शेतकऱ्यांना फटकाराज्य सरकारने ‘एक रुपयात पीकविमा’ योजनेत बदल करून सुधारित योजना आणली. मात्र, स्थानिक पातळीवरील नैसर्गिक संकटांना यातून डावलल्याने अतिवृष्टी होऊनही भरपाई मिळणे कठीण झाले आहे. पीक कापणी प्रयोगाच्या क्लिष्ट प्रक्रियेमुळे विमा कंपन्यांना पळवाट शोधणे सोपे झाले असून, त्याचा थेट फटका शेतकऱ्यांना बसला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
