Solapur Market : सोलापूर कृषी उत्पन्न बाजार समितीची मासिक सभा नुकतीच पार पडली. सभापती दिलीप माने यांच्या अध्यक्षतेखाली झालेल्या सभेत अवघ्या १३ मिनिटांत तब्बल ४९ विषयांना मंजुरी देण्यात आली. विशेष म्हणजे बाजार समितीच्या आवारात शेतमाल आणि दुचाकी चोरीच्या घटना रोखण्यासाठी यापूर्वी तीन वेळा लाखो रुपये खर्चून सीसीटीव्ही कॅमेरे बसवण्यात आले होते. मात्र, आश्चर्य म्हणजे शेतमालाचे चोरटे पकडले जाण्याऐवजी, सुरक्षेसाठी लावलेले सीसीटीव्ही कॅमेरेच चोरीला गेले आहेत. त्यामुळे आता चौथ्यांदा कॅमेरे बसवण्याचा निर्णय १३ मिनिटांच्या या ‘एक्सप्रेस’ सभेत घेण्यात आला आहे..या सभेमध्ये २०२५-२६ चा वार्षिक अहवाल मांडण्यात आला. वार्षिक सर्वसाधारण सभेचे नियोजन, जाहिरातींची बिले, कर्मचाऱ्यांचे वेतन, रस्ते दुरुस्ती, पाणीपुरवठा आणि कचऱ्यासाठी नवीन ट्रॅक्टर खरेदी यांसारख्या ४९ महत्त्वाच्या विषयांवर कोणतीही सविस्तर चर्चा न होता मंजुरीची मोहर उमटवली गेली..Chia Farming: ...वाशीमच्या शेतापासून डिजिटल बाजारपेठेपर्यंत.बाजार समितीच्या आवारात कॅमेरे सातत्याने चोरीला जात असल्याने शेतकऱ्यांचा माल लांबवणारे चोरटे कधीच समोर आले नाहीत..Agriculture Success Story: बारमाही, चक्राकार पद्धतीतून मजबूत केले अर्थकारण .‘‘दरवेळी कॅमेरेच कसे गायब होतात?’’ यामागे सामान्य भामटे आहेत की बाजार समितीतीलच कोणाचे ‘अभय’ आहे, असा संशय आता व्यापारी आणि शेतकऱ्यांमधून व्यक्त केला जात आहे..दरवेळी लाखो रुपयांचा निधी सीसीटीव्हीच्या नावाखाली खर्ची घालायचा आणि कॅमेरे गायब झाले की पुन्हा नवा खर्च करायचा, हा कारभार नक्की कोणाच्या पथ्यावर पडतोय? १३ मिनिटांत ४९ विषय गुंडाळणाऱ्या प्रशासनाला चौथ्यांदा बसवले जाणारे कॅमेरे तरी सुरक्षित ठेवता येतील का, असा सवाल आता उपस्थित केला जात आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
