Organic Farming: ‘‘दर्जेदार व अधिकचे उत्पादन वाजवी खर्चात घ्यायचे असल्यास जमिनीची काळजी घ्या. कारण माती हेच खत आहे. तिच्या सुपीकतेसाठी सेंद्रिय कर्ब वाढविण्याची गरज आहे,’’ असे मत भारतीय कृषी संशोधन परिषदेचे शास्त्रज्ञ सदस्य तथा वसंतराव नाईक मराठवाडा कृषी विद्यापीठाचे ज्येष्ठ मृदा शास्त्रज्ञ डॉ. हरिहर कौसडीकर यांनी व्यक्त केले..वैजापूर कृषीच्या उपविभागातर्फे खुलताबाद येथील भद्रा मारुती संस्थान परिसरात आयोजित कृषी व धान्य महोत्सवात रविवारी (ता.२२) चर्चासत्रात ‘आले सड व्यवस्थापन’ विषयावर ते मार्गदर्शन करीत होते..Soil Health: मित्र सूत्रकृमी : पीक संरक्षणातील सूक्ष्म योद्धे.डॉ. कौसडीकर म्हणाले, की कुठल्याही कामाची सुरुवात चुकता कामा नये. लागवडीपूर्वी जमिनीचे निर्जंतुकीकरणही महत्त्वाचे आहे. आले सड व्यवस्थापनासाठी लागवडी पूर्वी बेण्यांना बुरशीनाशक, जैविक तसेच रासायनिक बीज प्रक्रिया करणे अत्यंत आवश्यक आहे. यामुळे उत्पादन खर्च कमी होऊन वाढीच्या अवस्थेत पिकाला पोषक स्थिती तयार होण्यास मदत होते. एकाच शेतात एकच एक पीक न घेता पिकाचा फेरपालट तितकाच आवश्यक आहे..Soil Health: सेंद्रिय पदार्थ हा जमिनीचा आत्मा : डॉ.अशोक ढगे.जैविक बीज प्रक्रिया करताना तिचे प्रमाण जास्त झाले तर नुकसान नाही, परंतु रासायनिक बीज प्रक्रिया करताना प्रमाणाविषयी खबरदारी घेणे आवश्यक आहे. अपायकारक बुरशीमुळे सड वाढते.पिकात कायम वाफसा स्थिती ठेवावी अति पाण्याचा वापर होता कामा नये. शिफारशीनुसारच खताचा वापर करावा.अति खताचा व पाण्याचा वापर अपायकारक बुरशीच्या वाढीसाठी कारणीभूत ठरते..कृषी विज्ञान केंद्र गांधेली येथील प्रमुख शास्त्रज्ञ काकासाहेब सुकासे यांनी राष्ट्रीय खाद्यतेल अभियान अंतर्गत भुईमूग, सूर्यफूल, करडई व तीळ या प्रमुख तेल पिकांवर मार्गदर्शन केले, तर नेटाफिम इरिगेशन लिमिटेडचे सागर खोडके यांनी सूक्ष्म सिंचनातून पिकांचे पाणी व्यवस्थापन आणि त्याचा प्रभावी वापर याबाबत सविस्तरपणे मार्गदर्शन केले. कार्यक्रमाचे सूत्रसंचालन मंडळ कृषी अधिकारी निवृत्ती जोरी यांनी केले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
