Chandrapur News : किडनी प्रकरणात समाजाची निष्क्रियता समोर आली आहे. हे प्रकरण जातीयवादी असते, तर गल्लीपासून दिल्लीपर्यंत बंद पुकारला गेला असता. मात्र या प्रकरणात साधा गावस्तरावर निषेधही नोंदविला गेला नाही. त्यामुळे ३ जानेवारीला पीडित शेतकऱ्याचे गाव असलेल्या मिंथूर ते नागभीडपर्यंत मोर्चा काढण्याचा इशारा माजी राज्यमंत्री बच्चू कडू यांनी दिला..श्री. कडू यांनी शनिवारी (ता. २०) किडनी प्रकरणातील पीडित रोशन खुडे यांची त्यांच्या गावी भेट घेतली. या वेळी श्री. खुडे यांनी त्यांच्यासोबत घडलेल्या प्रकाराची माहिती दिली. त्यानंतर श्री. कडू यांनी पोलिस अधीक्षक मुमका सुदर्शन यांच्याशी मोबाइलवरून संपर्क साधला. तसेच सावकारांनी पीडित व्यक्तीकडून घेतलेली संपूर्ण रक्कम वसूल करावी, अशी मागणी कडू यांनी केली..Kidney Sale Case: किडनी विक्रीप्रकरणी ‘एसआयटी’.‘‘या प्रकरणात पोलिसांकडून कमी तीव्रतेचे गुन्हे दाखल करण्यात आले. आरोपींच्या बचावासाठी अशी भूमिका पोलिसांकडून घेण्यात आली आहे,’’ असा आरोप त्यांनी केला. ‘‘हे प्रकरण दोन जातींशी निगडित असते तर गल्लीपासून दिल्लीपर्यंत निषेध नोंदविण्यात आला असता आणि संपूर्ण देश पीडिताच्या पाठीशी असला असता..Farmer Loan : सावकारी कर्ज फेडण्यासाठी शेतकऱ्याने विकली किडनी; चंद्रपूर जिल्ह्यातील धक्कादायक घटना.मात्र दुर्दैवाने सावकार आणि पीडित एकच धर्माचे असल्याने या प्रकरणाला अपेक्षित समर्थन मिळाले नाही,’’ अशी खंत त्यांनी व्यक्त केली. या प्रकारात पोलिसांनी पाच जणांना अटक केली आहे. आरोपी लक्ष्मण उरकुडे विरोधात आणखी एका व्यक्तीने तक्रार दाखल केली. त्या आधारे पोलिसांनी गुन्हा दाखल केला..पोलिस कोठडीत वाढपाचही सावकारांच्या पोलिस कोठडीची मुदत शनिवारी संपल्याने त्यांना न्यायालयासमोर हजर करण्यात आले. तपासात आरोपींचा सहभाग स्पष्ट करणे बाकी असल्याने पोलिस कोठडीत वाढ करावी, अशी मागणी पोलिसांनी केली होती. त्यानुसार न्यायालयाने आरोपींच्या कोठडीत सोमवारपर्यंत वाढ केली आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
