Agriculture Crisis : बुलडाणा दुष्काळाची तीव्रता लक्षात घेता पशुधनासाठी चारा व पिण्याच्या पाण्याचे योग्य नियोजन करावे. धरणांतील गाळ लोकसहभागातून जेसीबीच्या साहाय्याने शेतकऱ्यांना मोफत काढून द्यावा, तसेच नद्यांचे खोलीकरण व रुंदीकरण करण्यासाठी उपाययोजना कराव्यात, असे निर्देश केंद्रीय राज्यमंत्री प्रतापराव जाधव यांनी सोमवारी (ता. १९) जिल्हा प्रशासनाला दिले..राज्य शासनाने बुलडाणा जिल्हा दुष्काळग्रस्त जाहीर केला आहे. आगामी काळातील संभाव्य पाणीटंचाई आणि पशुधनासाठी चाऱ्याची उपलब्धता याबाबत प्रशासनाच्या नियोजनाचा आढावा घेण्यासाठी जिल्हाधिकारी कार्यालयात बैठक घेण्यात आली. या वेळी जिल्हाधिकारी डॉ. प्रवीण देवरे, जिल्हा परिषदेचे मुख्य कार्यकारी अधिकारी डॉ. चव्हाण यांच्यासह कृषी, पाणीपुरवठा, पशुसंवर्धन, महावितरण आणि जलप्रकल्प विभागांचे अधिकारी उपस्थित होते..Ridge Planter: एकाच वेळी सरी, पेरणी आणि खत देणारे सरी वरंबा प्लांटर कसे काम करते?.जिल्ह्यातील धरणे व जलप्रकल्पांमधील उपलब्ध पाणीसाठा आणि मृतसाठ्याचा विचार करून पिण्याच्या पाण्यासाठी आवश्यक साठा आरक्षित ठेवावा. शिल्लक पाण्यातून खरीप हंगामातील तूर पिकाला किमान एक संरक्षित पाणी देता येईल का, याची चाचपणी करून शक्य तेथे शेतकऱ्यांना पाणी उपलब्ध करून द्यावे, अशा सूचना जाधव यांनी दिल्या..Paddy Sowing: खेड तालुक्याच्या पश्चिम पट्ट्यात भात पेरणी सुरू.गावपातळीवर पाणीटंचाई निवारणाचे नियोजन करताना सार्वजनिक विहिरींची स्वच्छता करावी. उंच ठिकाणी पाण्याच्या टाक्या उपलब्ध करून सार्वजनिक वापरासाठी पाणी साठविण्याची व्यवस्था करावी. जलजीवन मिशनअंतर्गत खोदलेल्या विहिरींना तातडीने वीजजोडणी द्यावी, असेही त्यांनी सांगितले..नदीपात्रांचे खोलीकरण करण्यावर भरजळगाव जामोद आणि संग्रामपूर तालुक्यांतील नद्यांमध्ये सातपुडा पर्वतरांगांतून वाहून आलेले दगड साचल्याने नदीपात्रे अरुंद झाली आहेत. त्यामुळे लोकसहभागातून या नद्यांचे खोलीकरण व रुंदीकरण करावे. तसेच धरणांतील गाळ काढून तो शेतकऱ्यांना शेतात वापरण्यासाठी मोफत उपलब्ध करून द्यावा, असे निर्देश जाधव यांनी दिले.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
