Jalgaon News: खानदेशात कापूस दरात सुधारणा झाली आहे. दर आठ हजार २०० रुपयांवर पोहोचले आहेत. परंतु आता कापूस आवक कमी होत आहे. खेडा खरेदीला प्रतिसाद कमी मिळत असून, शेतकऱ्यांकडील कापूससाठा ७० ते ७५ टक्के घटल्याची स्थिती आहे. .अनेकांनी कापसाची विक्री नोव्हेंबर व डिसेंबरमध्ये केली. यामुळे या दरवाढीचा लाभ अल्प शेतकऱ्यांना होताना दिसत आहे. शासकीय कापूस खरेदीही बऱ्यापैकी झाली आहे. या केंद्रांत कापूस विक्रीसंबंधी शेतकऱ्यांचा प्रतिसाद मिळाला आहे. आवकेत मागील काही दिवसांत काहीशी घट झाली आहे. कमाल कापूस उत्पादकांनी मागील महिन्यात आपल्याकडील कापूस विक्री केल्याने आणखी नुकसान झाले आहे. ज्या शेतकऱ्यांनी कापसाची विक्री करणे टाळले होते, त्या अल्प शेतकऱ्यांना आता या दरवाढीचा लाभ होणार आहे..Cotton Price: अकोटमध्ये कापसाचा दर ९ हजारांजवळ.उत्पादन कमी, दरवाढ अवेळीकापसाचे उत्पादन अल्प आहे. कोरडवाहू कापूस एकरी ५० किलोच आला आहे. पूर्वहंगामी कापूस काही शेतकऱ्यांना तीन ते चार तर काहींना दोन क्विंटल एवढाच हाती आला आहे. परिणामी कापसाचा साठाच शेतकऱ्यांकडे कमी होता. यात सणासुदीसह रब्बीच्या निधीसाठी अनेकांनी कापसाची विक्री डिसेंबरमध्ये केली आहे. .Cotton Price: कापूस दर स्थिर; तसेच काय आहेत सोयाबीन, काकडी, कोथिंबीर आणि कांद्याचे आजचे बाजारभाव .यंदा कापसाचा खर्च मात्र वाढला आहे. खते, मशागत, मजुरी यावरील खर्च वाढला आहे. यामुळे कापसाला चांगला दर मिळावा, अशी अपेक्षा शेतकऱ्यांची होती. पण दरवाढ उशिरा झाल्याने शेतकऱ्यांना हा लाभ फारसा होताना दिसत नसल्याचे जाणकार, शेतकऱ्यांचे म्हणणे आहे..बाजार समित्यांत आवक नाहीडिसेंबरमध्येही कापूस दर कमाल सात हजार रुपये प्रति क्विंटल खेडा खरेदीत होता. सध्या खानदेशात खेडा खरेदीत कापसाला ८२०० ते ८४०० रुपये प्रति क्विंटलचा दर आहे. खानदेशात कापसाची बाजार समित्यांत आवक होत नाही. खेडा खरेदी किंवा थेट गावांत जाऊन खरेदी केली जाते. कापसाची आवक सध्या मागील पंधरवड्याच्या तुलनेत कमी झाली असून, प्रति दिन सुमारे १८ हजार क्विंटल आवक होत आहे. डिसेंबरच्या मध्यात प्रति दिन सरासरी २९ ते ३० हजार क्विंटल आवक होती..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
