Pune News: राज्यात रब्बी हंगामासाठी आतापर्यंत केवळ दोन लाख शेतकऱ्यांना सव्वाचार हजार कोटी रुपयांच्या आसपास पीककर्ज मिळाले आहे. आधीच्या कर्जाची वसुली थांबल्यामुळे रब्बी कर्जवाटप संथ सुरू असल्याचे बॅंकांचे म्हणणे आहे. .लांबलेल्या पावसामुळे खरीप पिकांचे झालेले नुकसान तसेच पीककर्ज वसुलीस शासनाने दिलेली स्थगिती, अशा दोन मुख्य कारणांमुळे रब्बी पीककर्ज वाटप अपेक्षितपणे होत नसल्याचे जिल्हा मध्यवर्ती बॅंकांच्या गोटातून सांगण्यात आले..Rabi Crop Loan: रब्बी पीककर्ज प्रस्ताव वाढू लागले; कर्ज वितरण अल्प.सहकार विभागातील सूत्रांच्या म्हणण्यानुसार, चालू आर्थिक वर्षात शेतकऱ्यांना एकूण ७६ हजार कोटी रुपये कर्जवाटप करण्याचे उद्दिष्ट राज्यभरातील बॅंकांना देण्यात आले होते. त्यापैकी रब्बीसाठी किमान २२ हजार कोटी रुपये वाटावेत, असेही बॅंकांना सूचित करण्यात आले होते. यातील सार्वजनिक तसेच ग्रामीण बँकांनी रब्बीसाठी किमान साडेअकरा हजार कोटी रुपये कर्जापोटी शेतकऱ्यांना देणे अपेक्षित होते. परंतु १५ नोव्हेंबरपर्यंत बँकांनी दोन टक्के म्हणजेच दोन हजार कोटींच्या आसपास कर्ज वाटले आहे..Rabi Crop Loan: रब्बी पीककर्ज वाटपातही बँकांचा हात आखडता.जिल्हा मध्यवर्ती सहकारी बॅंकांनी चालू रब्बीत पावणेसात हजार कोटी रुपये कर्जापोटी वाटावेत, असे शासनाने सुचविले होते. परंतु या उद्दिष्टापैकी आतापर्यंत केवळ पावणेसातशे कोटी रुपये वाटले आहेत. एका जिल्हा मध्यवर्ती सहकारी बॅंकेच्या कार्यकारी संचालकाने सांगितले की, कर्जमाफी व कर्जवसुली अशा दोन्ही मुद्द्यांवर राज्य सरकारने संभ्रमाची स्थिती तयार करून ठेवली आहे. पुनर्गठनाचा पर्याय शासनाने दिलेला आहे. परंतु त्यामुळे शेतकऱ्यांना १० ते ११ टक्के व्याज भरावे लागणार आहे. त्यामुळे पुनर्गठनास देखील शेतकरी इच्छुक नाहीत..दरम्यान, सहकार विभागाने मात्र कर्जवाटपात तूर्त काहीही अडचण दिसत नसल्याचा दावा केला आहे. ‘‘कर्ज देण्यात समस्या येत असल्याबद्दल आतापर्यंत राज्यातील एकाही बॅंकेकडून तक्रार आलेली नाही. त्यामुळे आताच घाईघाईने निष्कर्ष काढता येणार नाही. रब्बीसाठी कर्जवाटपाची मुदत ३१ मार्चपर्यंत आहे. त्यामुळे मुदतीत पुरेसे कर्जवाटप होईल, अशी अपेक्षा आम्हाला वाटते,’’ अशी भूमिका सहकार विभागातील एका वरिष्ठ अधिकाऱ्याने मांडली.ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
