Seven demands of Samyukt Kisan Morcha: सात प्रमुख मागण्यांसाठी संयुक्त किसान मोर्चा (एसकेएम) पुन्हा आक्रमक झाला असून, २६ नोव्हेंबर २०२६ पासून देशव्यापी आंदोलनाची घोषणा केली आहे. दिल्लीसह देशातील १०० ठिकाणी किसान मोर्चे व बहुदिवसीय आंदोलने होणार असून, मागण्या पूर्ण होईपर्यंत आंदोलन मागे घेतले जाणार नसल्याचे मोर्चाने स्पष्ट केले आहे..दिल्लीतील प्रेस क्लब ऑफ इंडियामध्ये सोमवारी (ता. ३) पत्रकार परिषदेत ही भूमिका जाहीर करण्यात आली. यापूर्वी २८ जुलै रोजी दिल्लीतील सिव्हिक सेंटर येथे एसकेएमचे अखिल भारतीय अधिवेशन झाले. त्यात सुमारे १,२०० प्रतिनिधी सहभागी झाले होते. तर २९ जुलै रोजी तालकटोरा स्टेडियममध्ये कामगार व शेतकरी संघटनांचे राष्ट्रीय अधिवेशन झाले असून, त्यात ५ हजार प्रतिनिधी उपस्थित होते..Farmer Protest: पंजाब, हरियानाचे शेतकरी दिल्लीकडे.‘एसकेएम’ने पुढील काही महिन्यांसाठी आंदोलनाचे वेळापत्रकही जाहीर केले आहे. १० ऑगस्ट रोजी एक हजार ठिकाणी 'भारत छोडो,' १७ ऑगस्ट रोजी पंतप्रधान, मुख्यमंत्री, विरोधी पक्षनेते, खासदार आणि आमदारांना मागण्यांचे निवेदन दिले जाईल. यानंतर पदयात्रा, ट्रॅक्टर मोर्चे, महापंचायती आणि राज्यस्तरीय रॅलींचे आयोजन करण्यात येणार आहे. देशातील १०० ठिकाणी किसान मोर्चे आणि बहुदिवसीय आंदोलनाला सुरुवात केली जाईल, असे संयुक्त किसान मोर्चाने स्पष्ट केले आहे..Farmer Protest: मध्य प्रदेशात मूग खरेदीवरून संघर्ष तीव्र; १०० टक्के एमएसपीच्या मागणीसाठी शेतकऱ्यांचा सरकारला इशारा.सात प्रमुख मागण्याभारत-अमेरिका मुक्त व्यापार करारासह सर्व मुक्त व्यापार करार रद्द करावेत.सर्व पिकांना हमी खरेदीसह सी-२ खर्चावर ५० टक्के नफा धरून कायदेशीर हमीभाव (एमएसपी) लागू करावा.सर्वसमावेशक कर्जमाफी करावी व शेतकरी आत्महत्याग्रस्त कुटुंबांना २५ लाख रुपयांची मदत द्यावी..चारही कामगार संहिता रद्द करून सर्व कामगारांना ३१ हजार रुपये वेतन द्यावे.मनरेगा पूर्ववत करून २०० दिवस रोजगार व ७०० रुपये प्रतिदिन मजुरी द्यावी.वीज खासगीकरण विधेयक २०२५,बीज विधेयक २०२५ आणि राष्ट्रीय अन्नसुरक्षा कायदा दुरुस्ती विधेयक मागे घ्यावे.सक्तीची जमीन संपादन प्रक्रिया व कॉर्पोरेट लँड पूलिंग थांबवून जमीन हक्कांचे संरक्षण करावे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
