Drinking Water Crisis: उन्हाच्या तीव्रतेमुळे धरणातील साठा झपाट्याने कमी होत चालला असून, सिन्नर तालुक्यावर भीषण संकटाची चाहूल लागली आहे. तालुक्यातील पाच धरणांवर अवलंबून असलेल्या ४१ गावांपुढे पाणीकपातीचे संकट उभे राहिले असून, जलसंधारण विभागाने पाणीयोजना समित्यांना काटकसर करण्याच्या सूचना केल्या आहेत. दरम्यान, तालुक्यात पाच धरणांतील उपयुक्त पाणीसाठा शून्य झाला असून, केवळ मृत साठ्यांवर तहान भागवली जात आहे..तालुक्यातील सरदवाडी, कोनांबे, ठाणगाव, भोजापूर, बोरखिंड या धरणांतून ४० हून अधिक गावांना पिण्याच्या पाण्याचा पुरवठा होतो. राज्यात पावसाचे प्रमाण ९० टक्के राहणार असल्याचा अंदाज पुणे वेधशाळेने वर्तवला आहे. त्यामुळे जलसंधारण विभागाकडून उपलब्ध पाणी साठे टिकवून ठेवण्यासाठी हालचाल सुरु झाली आहे. त्याचाच एक भाग म्हणून लघु, मध्यम प्रकल्पावर अवलंबून असलेल्या पाणीयोजना समिती व ग्रामपंचायतींना पाण्याचा वापर काटकसरीने करण्याचे पत्र पाठविले आहे..Water Scarcity: मंचर शहरावर पाणीटंचाईचे सावट.पाणी उपशावर प्रतिबंधअवैध पाणी उपसा करणाऱ्यांवर कारवाई करण्याबरोबरच पाण्यावर नजर ठेवण्यासाठी संबंधित ग्रामपंचायतींनी कर्मचाऱ्यांची गस्त ठेवण्याबाबत जलसंधारण विभागाने कळविले आहे. त्यामुळे पाणीसाठ्यांवर लक्ष ठेवण्याची जबाबदारीही ग्रामपंचायतीकडे सोपवली आहे. सिंचनासाठी पाणी उपसा करण्यास पूर्णतः बंदी घालण्यात आली आहे..Declining Water Storage: लघु प्रकल्पात १८ टक्के, तर मध्यम प्रकल्पात १९ टक्के पाणीसाठा.दहा वर्षापूर्वीची स्थितीतालुक्यातील भोजापूर, सरदवाडी, कोनांबे, ठाणगाव, बोरखिंड या धरणातील उपयुक्त पाणीसाठे शून्य होण्याची स्थिती २०१६ मध्ये आली होती. तशीच स्थिती यंदाही आली आहे..अजून ६० दिवस पाणी पुरवाउपलब्ध पाणीसाठ्यातून गावांना ३१ जुलै २०२६ पर्यंत पाणीपुरवठा करणे आवश्यक आहे. त्यासाठी पाण्याचा वापर आतापासूनच काटकसरीने करावा, अशा लेखी सूचना जलसंधारण विभागाने केल्या आहेत. भविष्यात पाणीटंचाई होणार नाही, याची काळजी घेण्याचे आवाहनही केले आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
