Nashik News: सिन्नर कृषी उत्पन्न बाजार समितीत दर रविवारी पशुधनाचा बाजार भरतो. येथे नाशिक, अहिल्यानगर, धुळे, जळगाव, नंदुरबार व शेजारील पुणे जिल्ह्यातील देखील मोठे पशुधन (बैल) शेतकरी व व्यापारी खरेदी-विक्री करण्यासाठी बाजार आवारात घेऊन येत असतात. मात्र पशूधनाचे ईअर टॅगिंग भारत पशुधन प्रणालीवर घेणे बंधनकारक आहे. .त्यानुसार कृषी, पशुसंवर्धन, दुग्धव्यवसाय विकास व मत्स्य व्यवसाय विभागाने शासन निर्णय पारित केला आहे. त्यामुळे ईअर टॅगिंग असल्याशिवाय सिन्नर बाजार समितीतही पशुधनाची खरेदी-विक्री होणार नाही. असे पशुधन खरेदी-विक्रीसाठी बाजारात आणू नये, असे आवाहन बाजार समितीचे सभापती श्रीकृष्ण घुमरे यांनी केले..Ear Tagging Animal : गाई, म्हशींचे इयर टॅगिंग शंभर टक्के पूर्ण, शेतकऱ्यांनीच घेतला पुढाकार.राज्यांतर्गत विक्रीकरिता वाहतूक करण्यात येणाऱ्या राज्यातील पशुधनास ईअर टॅगिंग केल्याचे व त्याची नोंद भारत पशुधन प्रणालीवर घेतल्याची खात्री करूनच संबंधित पशुधन विकास अधिकारी यांनी आरोग्य प्रमाणपत्र, तसेच सहायक आयुक्त पशुसंवर्धन यांनी वाहतूक प्रमाणपत्र देण्याबाबत नमूद आहे. ही दोन्ही प्रमाणपत्रे बाजार समितीच्या आवारात ईअर टॅगिंग केलेली जनावरे खरेदी-विक्री झाल्यास उपलब्ध करून देण्याची कार्यवाही बाजार समिती व संबंधित यंत्रणा स्तरावर सुरू आहे. .Animal Ear Tagging: राज्यात जनावरांचे ईअर टॅगींग करणे अनिवार्य.दोन्ही प्रमाणपत्रे बाजार समितीच्या आवारात ईअर टॅगिंग केलेले जनावरे खरेदी-विक्री झाल्यास उपलब्ध करून देण्याची कार्यवाही बाजार समितीचे व संबंधित यंत्रणा स्तरावर सुरू आहे. त्यासाठी बाजार समितीस सहकार्य करण्याचे आवाहन सभापती व संचालक मंडळाने केले आहे..१६ नोव्हेंबरपासून सिन्नर बाजार समितीच्या प्रवेशद्वारावर ईअर टॅगिंग असल्याची तपासणी व खात्री करूनच जनावरास व पशुपालकास बाजार आवारात प्रवेश देण्यात येत आहे, असे बाजार समितीने जाहीर केले आहे. .ईअर टॅगिंग केलेले पशुधनच बाजार समितीत विक्रीसाठी घेऊन यावे. अशा पशुधनाच्या खरेदी-विक्रीची पावती बाजार समिती करेल. त्या व्यतिरिक्त ईअर टॅग नसलेले पशुधन यांना खरेदी-विक्रीची पावती मिळणार नसल्याने, अशा पशुधनाची वाहतूक ईअर टॅगिंग असल्याशिवाय करता येणार नाही, तसे केल्यास पशुधन मालक व वाहतूकदारांवर दंडात्मक कारवाई झाल्यास त्यास संबंधित जबाबदार राहतील. त्यामुळे सर्व घटकांनी शासन निर्णयाची नोंद घेऊन अंमलबजावणी करणे अभिप्रेत आहे, असे सभापती श्रीकृष्ण घुमरे यांनी कळविले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
