Solapur News : शेतात, वाडी-वस्तीवर राहणाऱ्या घरगुती ग्राहकांना वीजपुरवठा उपलब्ध व्हावा, या हेतूने शेतीच्या फीडरवरून २४ तास सिंगल फेज वीजपुरवठा दिला जातो. या शेती फीडरवरील कृषी ग्राहक शेतीपंपासाठी सिंगल फेज वीजपुरवठा वापरत असल्याचे निदर्शनास आले आहे. .सदरचा वापर हा अनधिकृत आहे, शेतीपंपासाठी सिंगल फेज वीजपुरवठा वापरू नये, असे आवाहन महावितरणने केले आहे. महाराष्ट्र विद्युत नियामक आयोगाच्या निर्देशानुसार शेतीपंपासाठी त्या-त्या भागासाठीच्या निर्धारीत वेळापत्रकानुसार दिवसा व रात्री चक्राकार पद्धतीने ८ तास थ्री फेज वीजपुरवठा केला जातो. .Agricultural Pump Electricity : दहा अश्वशक्तीच्या कृषिपंपांचेही वीजबिल माफ करण्याची मागणी.कृषी ग्राहकांनी निर्धारित वेळापत्रकानुसार उपलब्ध वीजपुरवठा शेतीपंपासाठी वापरणे अपेक्षित आहे. मात्र, काही कृषी ग्राहक शेती फीडरवरील २४ तास उपलब्ध सिंगल फेज वीजपुरवठ्याचा वापर शेतीपंपासाठी करीत असल्याचे महावितरणच्या निदर्शनास आले आहे. .Agriculture Electricity : कृषिपंपांच्या वीज संयोजनासाठी प्रतीक्षा कायम.सिंगल फेज वीजपुरवठा शेतीपंपासाठी वापरला जात असल्याने सदरील रोहित्रे अतिभारीत होत आहेत. परिणामी शेतात, वाडी-वस्त्यांवरील शेती फीडरवरील घरगुती ग्राहकांचा वीजपुरवठा बाधित होत आहे..शेतीपंपासाठी सिंगल फेज वीजपुरवठा वापरणे अनधिकृत आहे. तेव्हा कृषी ग्राहकांनी तातडीने शेतीपंपासाठी सिंगल फेज वीजपुरवठा वापरणे बंद करावे, शेती पंपासाठी सिंगल फेज वापरत असल्याचे निदर्शनास आल्यास महावितरणकडून कठोर कारवाई करण्यात येईल, असा इशाराही महावितरणने दिला आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
