Sindhudurg News: सिंधुदुर्ग जिल्ह्यातील जिल्हा परिषद आणि आठही पंचायत समित्यांवर महायुतीने निर्विवाद बहुमत मिळवत देदीप्यमान विजय मिळविला. जिल्हा परिषदेच्या एकूण ४२ पैकी ३० हूनअधिक जागांवर महायुतीने विजय मिळविला असून, उर्वरित काही जागांवर निर्णायक आघाडी घेतली आहे..ठाकरे शिवसेनेला दोन जागांवर विजय मिळाला असून एका ठिकाणी निर्णायक आघाडी होती. तर अपक्ष उमेदवारांनी तीन जागांवर विजय मिळवीत राजकीय पक्षांना धक्का दिला. जिल्हा परिषदेसाठी एकूण ५० तर पंचायत समित्यांसाठी १०० जागांची निवडणूक जाहीर झाली होती. त्यापैकी जिल्हा परिषदेच्या आठ आणि पंचायत समितीच्या १७ जागा बिनविरोध झाल्या होत्या. त्यामुळे जिल्हा परिषदेच्या ४२ आणि पंचायत समितीच्या ८३ जागांसाठी ७ फेब्रुवारी रोजी मतदान झाले..Local Body Results: लातूर महानगरपालिकेवर काँग्रेसचा एकहाती विजय .सोमवारी सकाळपासून जिल्ह्यातील आठही तहसील कार्यालयांनी निश्चित केलेल्या ठिकाणी मतमोजणीला सुरुवात झाली. सुरुवातीपासूनच भाजप-शिवसेना महायुतीने निर्णायक आघाडी घेतली. कणकवली, वैभववाडी आणि देवगड तालुक्यांत महायुतीने विरोधकांचा पूर्ण पराभव केला..Local Body Results: सलग चौथ्यांदा नागपूरचा गड भाजपने राखला.दुपारपर्यंत जिल्हा परिषदेच्या ४२ पैकी ३० जागांवर महायुतीने विजय मिळविला होता. ठाकरे शिवसेनेने दोन जागा, तर अपक्षांनी चार जागांवर बाजी मारली. काँग्रेस, राष्ट्रवादी काँग्रेस आणि मनसेला दुपारपर्यंत एकही जागा मिळाली नव्हती. उर्वरित सहा जागांची मतमोजणी सुरू असून त्यामध्येही महायुतीचे उमेदवार आघाडीवर आहेत..त्यामुळे जिल्हा परिषदेवर भाजप-शिवसेना महायुतीला स्पष्ट बहुमत मिळाले आहे. दरम्यान, जिल्ह्यातील आठही पंचायत समित्यांवर महायुतीने वर्चस्व प्रस्थापित केले आहे. वैभववाडी आणि कणकवली तालुक्यांत सर्वच्या सर्व जागा महायुतीने जिंकल्या. देवगड, दोडामार्ग, सावंतवाडी तालुक्यांतही महायुतीला देदीप्यमान यश मिळाले. इतर तालुक्यांतही अशीच स्थिती आहे..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
