Fodder Shortage: संभाव्य दुष्काळाच्या पार्श्वभूमीवर जिल्ह्यातील पशुधनासाठी चाऱ्याची टंचाई निर्माण होऊ नये, यासाठी गावोगावी चारा बँका उभारण्यात येणार आहेत. त्यासाठी जिल्हा नियोजन समितीकडून ५० लाख रुपयांचा निधी मिळणार असल्याची माहिती पशुसंवर्धन व दुग्धविकास समितीचे सभापती तुकाराम साईल यांनी सभेत दिली..जिल्हा परिषदेच्या पशुसंवर्धन व दुग्धविकास समितीची सभा सभापती तुकाराम साईल यांच्या अध्यक्षतेखाली छत्रपती शिवाजी महाराज सभागृहात झाली. या वेळी डॉ. रवींद्र दळवी, डॉ. सुधाकर ठाकूर, संतोष पारकर, सत्यवान सडवेलकर, शीतल दळवी, गणेश राणे आणि श्वेता धरणे आदी उपस्थित होते..Fodder Bank: तयार करा प्रथिनांनी समृद्ध चारा बँक.जिल्ह्यात सध्या उपलब्ध असलेला हिरवा चारा वेळेत कापून त्याची साठवणूक करणे आवश्यक आहे. अन्यथा काही दिवसांनी हा चारा नष्ट होण्याची शक्यता आहे. त्यामुळे शेतकऱ्यांनी वैयक्तिक तसेच गावपातळीवर चारा बँका तयार कराव्यात. भविष्यात चारा कमी पडू नये, यासाठी आतापासूनच दक्षता घ्यावी, असे आवाहन सभेत करण्यात आले..Bank Employees Demand: पाच दिवसांचा बँकिंग आठवडा करण्याची मागणी.दुधाळ जनावरे खरेदी योजनेतील लाभार्थ्यांना बँकेकडून कर्ज मिळताना येणाऱ्या अडचणींबाबतही सभेत चर्चा झाली. दूध संकलन आणि वाहतूक व्यवस्थेचा आढावा घेण्यात आला. गोकूळ दूध संघाची गाडी देवगड तालुक्यातील पडेल कँटीनपर्यंत यावी, अशी अपेक्षा गणेश राणे यांनी व्यक्त केली..संभाव्य दुष्काळाच्या पार्श्वभूमीवर पशुसंवर्धन विभागावर मोठी जबाबदारी येणार आहे. पशुधनाचे आरोग्य, चारा व्यवस्थापन, लसीकरण, पशुवैद्यकीय सेवा आणि शेतकऱ्यांना मार्गदर्शन करण्यासाठी पुरेसे मनुष्यबळ आवश्यक असल्याचे सदस्यांनी सांगितले. पशुसंवर्धन विभागातील रिक्त पदे तातडीने भरण्यासाठी पाठपुरावा करावा, अशी मागणीही करण्यात आली..दहा लाखांपर्यंत निधीमोकाट जनावरांसाठी पडेल येथे गोशाळा उभारण्याची मागणी करण्यात आली. त्यासाठी मोफत जागा उपलब्ध करून देण्यात येईल, असे सदस्य गणेश राणे यांनी स्पष्ट केले. गोशाळेसाठी ५० जनावरे आवश्यक असून, गोशाळा व्यवस्थापनसाठी सेवाभावी संस्थांनी पुढे यावे, असे मत व्यक्त करण्यात आले. गोशाळेच्या इमारतीसाठी १० लाख रुपयांपर्यंत निधी उपलब्ध होऊ शकतो, असे अधिकाऱ्यांनी सांगितले..ॲग्रोवनचे सदस्य व्हाशॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.Read the Latest Agriculture News in Marathi & Watch Agriculture videos on Agrowon. Get the Latest Farming Updates on Market Intelligence, Market updates, Bazar Bhav, Animal Care, Weather Updates and Farmer Success Stories in Marathi.ताज्या कृषी घडामोडींसाठी फेसबुक, ट्विटर, इन्स्टाग्राम , टेलिग्रामवर आणि व्हॉट्सॲप आम्हाला फॉलो करा. तसेच, ॲग्रोवनच्या यूट्यूब चॅनेलला आजच सबस्क्राइब करा.
